പുണെ: അജിത് പവാറിന്റെ വേർപാടിൽ വാക്കുകൾ കിട്ടാതെ വിതുമ്പുകയാണ് സുപ്രിയ സുലെ. ‘ഹൃദയം തകർന്നു’ എന്നാണ് അവർ കുറിച്ചത്. രാഷ്ട്രീയമായി വ്യത്യസ്ത ചേരികളിലായിരുന്നപ്പോഴും അജിത് പവാറുമായി വ്യക്തിപരമായ ആത്മബന്ധം സുപ്രിയ കാത്തുസൂക്ഷിച്ചിരുന്നു.(Devastated, Supriya Sule Posts WhatsApp Status After Ajit Pawar’s Death)
ഇന്ന് രാവിലെ 8:50-ഓടെയാണ് അപകടം സംഭവിച്ചത്. അജിത് പവാർ ഉൾപ്പെടെ വിമാനത്തിലുണ്ടായിരുന്ന എല്ലാവരും മരിച്ചതായി പോലീസ് സ്ഥിരീകരിച്ചു. ഫെബ്രുവരി 5-ന് നടക്കാനിരിക്കുന്ന ജില്ലാ പരിഷത്ത് തിരഞ്ഞെടുപ്പിന്റെ പ്രചാരണത്തിനായാണ് അദ്ദേഹം ബാരാമതിയിലേക്ക് തിരിച്ചത്.
അപകടവാർത്ത അറിഞ്ഞ ഉടൻ തന്നെ സുപ്രിയ സുലെയോടൊപ്പം എൻ.സി.പി നേതാവ് പ്രഫുൽ പട്ടേൽ, അജിത് പവാറിന്റെ ഭാര്യ സുനേത്ര, മകൻ പാർത്ഥ് എന്നിവർ ബാരാമതിയിലേക്ക് തിരിച്ചു. ശരദ് പവാർ ആശുപത്രിയിൽ എത്തിയിരുന്നു.
