കൊച്ചി:പുതിയ മദ്യത്തിന് പേരും ലോഗോയും ക്ഷണിച്ച വിജ്ഞാപനം തങ്ങളുടേതല്ലെന്ന് ബെവ്കോ. നിലവിൽ ബെവ്കോ മദ്യ ഉൽപ്പാദനത്തിൽ ഏർപ്പെട്ടിട്ടില്ലെന്നും ഇവർ ഹൈക്കോടതിയിൽ വ്യക്തമാക്കി.(BEVCO in High Court over advertisement seeking name and logo for liquor)
മദ്യത്തിന് പേര് നിർദ്ദേശിക്കാൻ ബെവ്കോ ഔദ്യോഗികമായി പരസ്യം നൽകിയിട്ടില്ലെന്ന് സത്യവാങ്മൂലത്തിൽ പറയുന്നു. ബെവ്കോ നിലവിൽ മദ്യം ഉൽപ്പാദിപ്പിക്കുന്നില്ല. അതിനാൽ പുതിയ ബ്രാൻഡിന് പേരിടാനുള്ള മത്സരം എന്ന ചോദ്യം ഉദിക്കുന്നില്ലെന്നും കോടതിയെ അറിയിച്ചു.
പാലക്കാട്ടെ മലബാർ ഡിസ്റ്റിലറീസാണ് ഇത്തരമൊരു വിജ്ഞാപനം പുറപ്പെടുവിച്ചത്. ആ വിജ്ഞാപനവുമായി ബെവ്കോയ്ക്ക് നേരിട്ട് ബന്ധമില്ലെന്നാണ് വിശദീകരണം.
