ന്യൂഡൽഹി: പശ്ചിമേഷ്യയിലെ യുദ്ധസാഹചര്യം ഇന്ത്യയിലെ അർബുദ ചികിത്സയെ ഗുരുതരമായി ബാധിക്കുന്നു. മരുന്ന് ഉത്പാദനത്തിനുള്ള ഘടക പദാർത്ഥങ്ങളുടെ ഇറക്കുമതി തടസ്സപ്പെട്ടതോടെ, ജീവൻരക്ഷാ കീമോതെറാപ്പി മരുന്നുകൾക്ക് രാജ്യത്ത് കടുത്ത ക്ഷാമം അനുഭവപ്പെടുകയാണ്. പ്രധാന ചികിത്സാ കേന്ദ്രങ്ങൾ കടുത്ത വെല്ലുവിളിയാണ് നേരിടുന്നത്.(West Asia Conflict Leads to Cancer Medication Shortage in India)
സ്തനാർബുദം, അണ്ഡാശയ ക്യാൻസർ, ശ്വാസകോശ ക്യാൻസർ, ജേം സെൽ ട്യൂമർ തുടങ്ങിയവയുടെ ചികിത്സയിൽ പ്രധാനപ്പെട്ട ‘കാർബോ പ്ലാറ്റിൻ’ ഉൾപ്പെടെയുള്ള മരുന്നുകൾക്കാണ് ക്ഷാമം അനുഭവപ്പെടുന്നത്. ജർമ്മനി, റഷ്യ, സൗത്ത് ആഫ്രിക്ക തുടങ്ങിയ രാജ്യങ്ങളിൽ നിന്നുള്ള വിതരണ ശൃംഖല യുദ്ധത്തെത്തുടർന്ന് തടസ്സപ്പെട്ടതാണ് പ്രതിസന്ധിക്ക് കാരണം.
പല സ്വകാര്യ ആശുപത്രികളിലും രോഗികൾക്ക് ഒരു കോഴ്സ് മരുന്ന് പോലും ലഭ്യമാക്കാൻ കഴിയാത്ത അവസ്ഥയാണുള്ളത്. മരുന്ന് നിർമ്മാതാക്കൾ 50 ശതമാനം വില വർദ്ധന ആവശ്യപ്പെട്ട് നാഷണൽ ഫാർമസ്യൂട്ടിക്കൽ പ്രൈസിംഗ് അതോറിറ്റിയെ സമീപിച്ചിട്ടുണ്ട്.
Story Summary
The ongoing conflict in West Asia has disrupted the global supply chain for Active Pharmaceutical Ingredients (APIs) essential for cancer medication in India, leading to a severe shortage of life-saving chemotherapy drugs like Carboplatin. As medical institutions like the RCC struggle to procure supplies at higher costs and pharmaceutical companies demand significant price hikes, experts are calling for urgent central government intervention to restore supply and ensure patient access to treatment.
