ന്യൂഡൽഹി: ശബരിമല യുവതീ പ്രവേശനവുമായി ബന്ധപ്പെട്ട ഹർജികളിൽ സുപ്രീംകോടതി ഭരണഘടനാ ബെഞ്ച് ഇന്നും വാദം കേൾക്കും. വിധി അനുകൂലിക്കുന്നവരുടെ ഭാഗമാണ് ഇന്ന് കോടതിയിൽ പ്രധാനമായും നടക്കുന്നത്. കഴിഞ്ഞ ദിവസം നടന്ന വാദത്തിനിടെ, വിധിക്ക് പിന്നാലെ ശബരിമലയിൽ പ്രവേശിച്ച സ്ത്രീകൾ യഥാർത്ഥ വിശ്വാസികളായിരുന്നോ എന്ന സുപ്രധാനമായ ചോദ്യം കോടതി ഉന്നയിച്ചിരുന്നു.(Supreme Court Hearing On Sabarimala Women Entry Case Update)
മുതിർന്ന അഭിഭാഷക ഇന്ദിര ജയ്സിങ് യുവതീ പ്രവേശനത്തെ അനുകൂലിച്ച് വാദങ്ങൾ നിരത്തുന്നതിനിടെ ജസ്റ്റിസ് നാഗരത്നയാണ് ഈ ചോദ്യം ഉന്നയിച്ചത്. നൂറ്റാണ്ടുകളായി നിലനിൽക്കുന്ന ആചാരങ്ങളിൽ വീണ്ടും പരിശോധന ആവശ്യമുണ്ടോ എന്ന നിരീക്ഷണവും കോടതിയുടെ ഭാഗത്തുനിന്നുണ്ടായി. എന്നാൽ, സുപ്രീംകോടതി വിധിയും നിയമവും അനുസരിക്കാൻ തയ്യാറായവരാണ് ശബരിമല വിഷയത്തിൽ പരാജയപ്പെട്ടതെന്ന് ഇന്ദിര ജയ്സിങ് കോടതിയിൽ വാദിച്ചു.
രജസ്വലകളായ സ്ത്രീകളുടെ പ്രവേശനം തടയുന്ന ആചാരപരമായ വിലക്കുകൾ ഭരണഘടനാവിരുദ്ധമാണെന്ന വാദത്തിൽ ഊന്നിക്കൊണ്ടാണ് ഹർജിക്കാർ ഇന്ന് വാദം തുടരുക. കേസിൽ ഭരണഘടനാ ബെഞ്ചിന്റെ നിരീക്ഷണങ്ങൾ വരും ദിവസങ്ങളിൽ നിർണ്ണായകമാകും.
Story Summary
The Supreme Court Constitutional Bench continues hearing arguments in the Sabarimala women’s entry case, focusing on supporters of the verdict. During the proceedings, the court questioned whether the women who previously entered the shrine were genuine devotees, while advocates argued that those who followed the law were ultimately sidelined.
