Follow on Google News
ന്യൂഡൽഹി: ഇന്ത്യൻ പാർലമെന്റിന്റെ ചരിത്രത്തിലെ ഏറ്റവും നിർണ്ണായകമായ ദിവസങ്ങളിലൊന്നായി ഇന്ന് മാറും. ലോക്സഭയിലെ സീറ്റുകളുടെ എണ്ണം നിലവിലുള്ള 543-ൽ നിന്ന് 850 ആയി ഉയർത്തുന്ന മണ്ഡല പുനർനിർണ്ണയ ബില്ലും വനിതാ സംവരണ ഭേദഗതി ബില്ലും കേന്ദ്ര നിയമമന്ത്രി അർജുൻ റാം മേഘ്വാൾ ഇന്ന് സഭയിൽ അവതരിപ്പിക്കും (Lok Sabha Seat Increase 850). മൂന്ന് പ്രധാന ബില്ലുകളാണ് കേന്ദ്രസർക്കാർ പാർലമെന്റിന്റെ പ്രത്യേക സമ്മേളനത്തിൽ കൊണ്ടുവരുന്നത്.
മണ്ഡല പുനർനിർണ്ണയത്തിലൂടെ ലോക്സഭാ സീറ്റുകൾ 850 ആയി ഉയരും. ഇതിൽ സംസ്ഥാനങ്ങളിൽ നിന്ന് 815 സീറ്റും കേന്ദ്രഭരണ പ്രദേശങ്ങളിൽ നിന്ന് 35 സീറ്റും ഉണ്ടാകും. ലോക്സഭയിലും നിയമസഭകളിലും മൂന്നിലൊന്ന് സീറ്റുകൾ വനിതകൾക്കായി സംവരണം ചെയ്യും. ഇതോടെ ലോക്സഭയിലെ വനിതാ പ്രാതിനിധ്യം 284 വരെയായി ഉയരാം. 2011-ലെ സെൻസസ് അടിസ്ഥാനമാക്കി 2029-ലെ പൊതുതിരഞ്ഞെടുപ്പിൽ തന്നെ വനിതാ സംവരണം നടപ്പിലാക്കാനാണ് 131-ാമത് ഭരണഘടനാ ഭേദഗതി ബില്ലിലൂടെ സർക്കാർ ലക്ഷ്യമിടുന്നത്.
വനിതാ സംവരണത്തെ തത്വത്തിൽ പിന്തുണയ്ക്കുന്നുണ്ടെങ്കിലും, തിടുക്കപ്പെട്ട് മണ്ഡല പുനർനിർണ്ണയം നടത്തുന്നതിനെ ‘ഇന്ത്യ’ സഖ്യം ശക്തമായി എതിർക്കുകയാണ്. കേന്ദ്രസർക്കാരിന്റെ ഈ നീക്കം രാഷ്ട്രീയ പ്രേരിതമാണെന്നും പ്രതിപക്ഷ പാർട്ടികളെ അടിച്ചമർത്താനുള്ള തന്ത്രമാണെന്നും കോൺഗ്രസ് അധ്യക്ഷൻ മല്ലികാർജ്ജുൻ ഖാർഗെ ആരോപിച്ചു. ബില്ലുകൾ പാസാക്കാൻ മൂന്നിൽ രണ്ട് ഭൂരിപക്ഷം ആവശ്യമായതിനാൽ പ്രതിപക്ഷത്തിന്റെ നിലപാട് നിർണ്ണായകമാകും. ലോക്സഭയിൽ 18 മണിക്കൂറും രാജ്യസഭയിൽ 16 മണിക്കൂറുമാണ് ചർച്ചയ്ക്കായി നിശ്ചയിച്ചിരിക്കുന്നത്.
Summary: The Union Government is set to introduce a landmark constitutional amendment bill in Parliament today to increase the number of Lok Sabha seats from 543 to 850. The bill proposes 815 seats for states and 35 for union territories. Along with this, the 131st Constitutional Amendment Bill aims to implement 33% women’s reservation starting from the 2029 general elections, based on the 2011 census. While the ‘INDIA’ alliance supports women’s reservation, they strongly oppose the rushed delimitation process, calling it politically motivated. Passing the bills requires a two-thirds majority in the house.
