ജബൽപൂർ: ജബൽപൂരിലെ കട്ട്ല ഏരിയയിലാണ് നാടിനെ നടുക്കിയ ഹിറ്റ് ആൻഡ് റൺ (Hit-and-Run) അപകടം നടന്നത് (Jabalpur Road Accident). ജോലി കഴിഞ്ഞ് വീട്ടിലേക്ക് മടങ്ങുകയായിരുന്ന മൂന്ന് യുവാക്കൾക്ക് നേരെയാണ് മദ്യപിച്ചെത്തിയ ഡ്രൈവർ കാർ ഓടിച്ചു കയറ്റിയത്. റോഡ് വശത്തിലൂടെ നടന്നുപോവുകയായിരുന്ന യുവാക്കളെ അമിതവേഗതയിൽ വന്ന എസ്യുവി (SUV) ഇടിച്ച് തെറിപ്പിക്കുകയായിരുന്നു. നിയന്ത്രണം വിട്ട കാർ യുവാക്കളുടെ ദേഹത്തുകൂടി കയറിയിറങ്ങിയതായും ദൃക്സാക്ഷികൾ പറഞ്ഞു.
അപകടത്തിൽ സംഭവസ്ഥലത്ത് വെച്ച് തന്നെ രണ്ട് പേർ മരണപ്പെട്ടു. സുമിത് (22), അമിത് (24) എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. പരിക്കേറ്റ മൂന്നാമനെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. ഇദ്ദേഹത്തിന്റെ നില ഗുരുതരമായി തുടരുകയാണ്.അപകടത്തിന് ശേഷം നിർത്താതെ പോയ കാറിനെ നാട്ടുകാർ പിന്തുടർന്ന് പിടികൂടുകയായിരുന്നു. ഡ്രൈവർ അമിതമായി മദ്യപിച്ചിരുന്നതായി പോലീസ് സ്ഥിരീകരിച്ചു.
അപകടത്തിന് പിന്നാലെ പ്രദേശത്ത് വലിയ തോതിലുള്ള പ്രതിഷേധം അരങ്ങേറി. ഡ്രൈവർക്കെതിരെ കർശന നടപടി സ്വീകരിക്കണമെന്നും മരിച്ചവരുടെ കുടുംബത്തിന് നഷ്ടപരിഹാരം നൽകണമെന്നും ആവശ്യപ്പെട്ട് നാട്ടുകാർ റോഡ് ഉപരോധിച്ചു. പോലീസ് സ്ഥലത്തെത്തിയാണ് രംഗം ശാന്തമാക്കിയത്.
പ്രതിയായ ഡ്രൈവറെ ഗൊരഖ്പൂർ പോലീസ് അറസ്റ്റ് ചെയ്തിട്ടുണ്ട്. ഇയാൾക്കെതിരെ മനഃപൂർവമല്ലാത്ത നരഹത്യയ്ക്ക് കേസെടുത്തതായും വാഹനം കസ്റ്റഡിയിലെടുത്തതായും സിറ്റി എസ്പി അറിയിച്ചു.
Story Summary: Two youths were killed and one seriously injured after a drunk driver rammed a speeding car into them in the Gorakhpur police station area of Jabalpur. The victims were returning home from work when the SUV hit them. Angry locals chased and caught the driver, handing him over to the police. A case has been registered against the driver for culpable homicide not amounting to murder.
