പനാജി: ഇന്ത്യയിലെ ഏറ്റവും പ്രിയപ്പെട്ട ടൂറിസ്റ്റ് കേന്ദ്രങ്ങളിലൊന്നായ ഗോവയിൽ ഒറ്റയ്ക്ക് താമസിക്കാൻ ആഗ്രഹിക്കുന്നവർക്കായി തന്റെ ജീവിതച്ചെലവുകൾ പങ്കുവെച്ച് ഒരു സോഫ്റ്റ്വെയർ എൻജിനീയർ (Goa Cost Of Living Solo). മധുശ്രീ ജോഷി എന്ന യുവതിയാണ് ഇൻസ്റ്റാഗ്രാമിലൂടെ തന്റെ മാസാവസാന കണക്കുകൾ പുറത്തുവിട്ടത്. ഗോവയിലെ ജീവിതത്തിന് പ്രതിമാസം ഏകദേശം 82,000 രൂപ ചെലവ് വരുമെന്നാണ് മധുശ്രീ പറയുന്നത്.
ചെലവുകളുടെ ഏകദേശ കണക്ക്
മധുശ്രീ പങ്കുവെച്ച വീഡിയോ അനുസരിച്ച് പ്രധാന ചെലവുകൾ താഴെ പറയുന്നവയാണ്:
- വാടക: 26,000 രൂപ
- കാർ ഇഎംഐ: 25,000 രൂപ
- ഭക്ഷണവും പലചരക്കും: 7,000 രൂപ
- പെട്രോൾ: 3,000 രൂപ
- വൈദ്യുതി, വൈഫൈ, അറ്റകുറ്റപ്പണികൾ: 5,000 – 6,000 രൂപ
- ജിം മെമ്പർഷിപ്പ്: 1,000 രൂപ
- യാത്ര, സെൽഫ് കെയർ: 15,000 രൂപ
കണ്ടന്റ് ക്രിയേറ്റർ കൂടിയായതിനാൽ മേക്കപ്പ്, സ്കിൻ കെയർ ഉൽപ്പന്നങ്ങൾ പലപ്പോഴും പിആർ പാക്കേജുകളായി സൗജന്യമായി ലഭിക്കാറുണ്ടെന്നും ചില റെസ്റ്റോറന്റുകൾ സൗജന്യമായി ഭക്ഷണം നൽകാറുണ്ടെന്നും ഇതെല്ലാം തന്റെ ചെലവ് കുറയ്ക്കാൻ സഹായിക്കുന്നുണ്ടെന്നും മധുശ്രീ വ്യക്തമാക്കുന്നു.
മധുശ്രീയുടെ പോസ്റ്റ് ഇതിനോടകം വലിയ ചർച്ചകൾക്ക് വഴിവെച്ചിട്ടുണ്ട്. ഇന്ത്യയിലെ മറ്റ് നഗരങ്ങളെ അപേക്ഷിച്ച് 82,000 രൂപ എന്നത് വലിയ തുകയാണെന്നാണ് ചിലരുടെ അഭിപ്രായം. എന്നാൽ താമസിക്കുന്ന സ്ഥലവും ജീവിതരീതിയും അനുസരിച്ച് ഈ കണക്കുകളിൽ മാറ്റം വരാമെന്ന് മറ്റ് ചിലർ ചൂണ്ടിക്കാട്ടുന്നു. ഗോവയിലേക്ക് താമസം മാറാൻ ആഗ്രഹിക്കുന്നവർക്ക് ഈ കണക്കുകൾ വലിയൊരു ഉൾക്കാഴ്ചയാണ് നൽകുന്നത്.
View this post on Instagram
