UPയിൽ വിവാഹസംഘം സഞ്ചരിച്ച ബസ് ട്രക്കുമായി കൂട്ടിയിടിച്ചു: 6 മരണം, 7 പേർക്ക് പരിക്ക് | Bus

ഹാപ്പൂർ: ഉത്തർപ്രദേശിലെ ഹാപ്പൂരിൽ ദൗലാന-ഗുലാവതി റോഡിലുണ്ടായ വാഹനാപകടത്തിൽ ആറ് പേർ കൊല്ലപ്പെട്ടു. വിവാഹ ചടങ്ങിൽ പങ്കെടുത്ത ശേഷം മടങ്ങിയവർ സഞ്ചരിച്ചിരുന്ന ബസ് ട്രക്കുമായി കൂട്ടിയിടിച്ചാണ് അപകടമുണ്ടായത്. ഏഴ് പേർക്ക് പരിക്കേറ്റു.(Bus carrying wedding party collides with truck in UP, 6 dead, 7 injured)

അപകടത്തെക്കുറിച്ച് വിവരം ലഭിച്ചയുടൻ പോലീസ് സംഘം സ്ഥലത്തെത്തുകയും രക്ഷാപ്രവർത്തനം ആരംഭിക്കുകയും ചെയ്തു. പരിക്കേറ്റവരെ ഉടൻ തന്നെ സമീപത്തെ ആശുപത്രികളിൽ പ്രവേശിപ്പിച്ചു. അപകടസമയത്ത് ബസ്സിൽ ആകെ 12 പേരാണുണ്ടായിരുന്നത്. ആറ് പേർ സംഭവസ്ഥലത്ത് വെച്ച് തന്നെ മരിച്ചു. പരിക്കേറ്റ ഏഴ് പേർ നിലവിൽ ചികിത്സയിലാണ്.

മരിച്ചവരിൽ ഒരാളെ ഇതുവരെ തിരിച്ചറിഞ്ഞിട്ടില്ലെന്ന് എസ്.പി പറഞ്ഞു. അപകടത്തിൽപ്പെട്ട വാഹനങ്ങൾ റോഡിൽ നിന്ന് നീക്കം ചെയ്തിട്ടുണ്ട്. നിലവിൽ ഗതാഗതം സാധാരണ നിലയിലായി. മരിച്ചവരുടെ കുടുംബാംഗങ്ങൾ സ്ഥലത്തെത്തിയിട്ടുണ്ട്, തുടർ നടപടികൾ പുരോഗമിക്കുകയാണ്, അദ്ദേഹം വ്യക്തമാക്കി. അപകടത്തിന്റെ കൃത്യമായ കാരണം ഇതുവരെ വ്യക്തമായിട്ടില്ല.