ബെംഗളൂരു: ബൈക്കിൽ യാത്ര ചെയ്യുകയായിരുന്ന 52-കാരന്റെ തലയിൽ മരക്കൊമ്പ് വീണ് ഗുരുതര പരിക്ക്. ബെംഗളൂരുവിലെ രാജാജിനഗർ രാം മന്ദിർ റോഡിലാണ് അപകടം നടന്നത്. സതീഷ് എന്നയാളാണ് അപകടത്തിൽപ്പെട്ടത്. ജോലിക്കായി പോകുന്നതിനിടെയാണ് ഉണങ്ങിയ മരക്കൊമ്പ് പൊട്ടി ഇദ്ദേഹത്തിന്റെ തലയിൽ വീണത്. (Bengaluru Tree Branch Accident
അപകടസമയത്ത് സതീഷ് ഹെൽമെറ്റ് ധരിച്ചിരുന്നില്ലെന്ന് സിസിടിവി ദൃശ്യങ്ങളിൽ നിന്ന് വ്യക്തമായിട്ടുണ്ട്. മരക്കൊമ്പ് തലയിൽ വീണ ആഘാതത്തിൽ നിയന്ത്രണം വിട്ട ഇദ്ദേഹം ബൈക്കിൽ നിന്നും റോഡിലേക്ക് വീണു. ഉടൻ തന്നെ നാട്ടുകാർ ചേർന്ന് അടുത്തുള്ള ആശുപത്രിയിലും പിന്നീട് വിദഗ്ധ ചികിത്സയ്ക്കായി യശ്വന്ത്പൂരിലെ മണിപ്പാൽ ആശുപത്രിയിലേക്കും മാറ്റി. തുടക്കത്തിൽ കോമയിലായിരുന്ന സതീഷിനെ അടിയന്തര ശസ്ത്രക്രിയയ്ക്ക് വിധേയനാക്കി. നിലവിൽ ഇദ്ദേഹം സുഖം പ്രാപിച്ചുവരികയാണെന്നാണ് റിപ്പോർട്ടുകൾ. ഹെൽമെറ്റ് ധരിക്കാത്തത് അപകടത്തിന്റെ ഗൗരവം വർദ്ധിപ്പിച്ചതായി വിലയിരുത്തപ്പെടുന്നു.
Summary: A 52-year-old man, Satish, suffered critical head injuries after a dry tree branch fell on him while he was riding his two-wheeler along Ram Mandir Road in Bengaluru’s Rajajinagar area. CCTV footage revealed that the victim was riding without a helmet, which exacerbated the impact, causing him to lose control and collapse on the road. Satish was rushed to the hospital in a comatose state and underwent emergency surgery. He is currently reported to be recovering.
