കണ്ണൂർ: പ്രമുഖ എഴുത്തുകാരനും സാമൂഹിക വിമർശകനുമായ വി.എസ്. അനിൽകുമാറിന്റെ വീടിന് മുന്നിൽ അജ്ഞാതർ റീത്ത് വെച്ചു. കണ്ണപുരത്തെ ‘മരുതം’ എന്ന വീടിന് മുന്നിലാണ് ഇന്ന് രാവിലെ റീത്ത് കാണപ്പെട്ടത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.(Wreath in front of writer VS Anilkumar’s house)
സംഭവത്തിന് പിന്നിൽ രാഷ്ട്രീയ ലക്ഷ്യങ്ങളുണ്ടെന്നാണ് പ്രാഥമിക നിഗമനം. വി. കുഞ്ഞികൃഷ്ണൻ എഴുതിയ പുസ്തകം ഏറ്റുവാങ്ങിയത് അനിൽകുമാർ ആയിരുന്നു. പുസ്തക പ്രകാശന ചടങ്ങിൽ സി.പി.എമ്മിനെതിരെ അനിൽകുമാർ വിമർശനങ്ങൾ ഉന്നയിച്ചിരുന്നതായി റിപ്പോർട്ടുകളുണ്ട്. പുസ്തക പ്രകാശന ചടങ്ങുമായി ബന്ധപ്പെട്ട അഭിപ്രായ പ്രകടനങ്ങളല്ലാതെ വ്യക്തിപരമായോ അല്ലാതെയോ ആർക്കും വിരോധമുണ്ടാകേണ്ട സാഹചര്യമില്ലെന്നാണ് വിവരം.
