കോഴിക്കോട് : വിവാഹ വാഗ്ദാനം നൽകി യുവതിയെ പീഡിപ്പിച്ച കേസിൽ പ്രതി അറസ്റ്റിൽ. കോഴിക്കോട് എരഞ്ഞിക്കൽ സ്വദേശി ശ്രേയസ് വീട്ടിൽ അനന്തകൃഷ്ണനെ (26) മെഡിക്കൽ കോളജ് പൊലീസ് അറസ്റ്റ് ചെയ്തത്.
മലപ്പുറം വണ്ടൂർ സ്വദേശിനിയായ യുവതിയെ ആണ് ഇയാൾ ഡേറ്റിങ് ആപ്പായ ബംബിൾ വഴി പരിചയപ്പെട്ട ശേഷം പീഢനത്തിനിരയാക്കിയത്. പൊറ്റമ്മലിലുള്ള ലോഡ്ജിൽ കൂട്ടിക്കൊണ്ടു പോവുകയും വിവാഹം കഴിക്കാം എന്നു വാഗ്ദാനം നൽകി ലൈംഗികമായി പീഡിപ്പിക്കുകയും ആയിരുന്നു.
വിവാഹ വാഗ്ദാനത്തിൽ നിന്നും പിൻമാറിയ അനന്തകൃഷ്ണൻ യുവതിയുടെ ഫോൺ നമ്പർ ബ്ലോക്ക് ചെയ്തു. യുവതി മെഡിക്കൽ കോളജ് പൊലീസിൽ പരാതി നൽകി. പ്രതിയെ മെഡിക്കൽ കോളജ് പരിസരത്തു വച്ച് കസ്റ്റഡിയിൽ എടുത്തത്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.