കലാലയങ്ങളിലെ അക്രമ രാഷ്ട്രീയം അവസാനിപ്പിക്കണം: ഉമ്മൻ ചാണ്ടി
Jan 11, 2022, 12:44 IST
കോട്ടയം: കലാലയങ്ങളിലെ അക്രമ രാഷ്ട്രീയം അവസാനിപ്പിക്കണമെന്ന് മുൻമുഖ്യമന്ത്രിയും എഐസിസി അംഗവുമായ ഉമ്മൻ ചാണ്ടി. ഇടുക്കി എസ്എഫ്ഐ പ്രവർത്തകനെ കൊലപ്പെടുത്തിയ സംഭവത്തിൽ മാധ്യമപ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം. പൈനാവ് സർക്കാർ എഞ്ചിനിയറിംഗ് കോളജിലെ സംഘർഷത്തിനിടെ വിദ്യാർഥി കൊല്ലപ്പെട്ട സംഭവം ദൗർഭാഗ്യകരമാണ്. കലാലയങ്ങളിലെ അക്രമ രാഷ്ട്രീയം അവസാനിപ്പിക്കാൻ എല്ലാ രാഷ്ട്രീയ പാർട്ടികളും മുൻകൈയെടുക്കണം. ഇടുക്കി സംഭവത്തിന്‍റെ പശ്ചാത്തലത്തിൽ കെ.സുധാകരനെതിരേ ഉയരുന്ന ആരോപണങ്ങൾ അടിസ്ഥാനമില്ലെന്നും ഉമ്മൻ ചാണ്ടി പറഞ്ഞു.