തിരുവനന്തപുരം: പാങ്ങോട് പോലീസ് സ്റ്റേഷൻ പരിസരത്ത് വിവിധ കേസുകളിലായി പിടിച്ചെടുത്ത് സൂക്ഷിച്ചിരുന്ന വാഹനങ്ങൾക്ക് തീപിടിച്ചു. ഇന്ന് രാവിലെ 8.15-ഓടെയാണ് സംഭവം. പോലീസ് സ്റ്റേഷനിലെ ശുചീകരണ തൊഴിലാളി ചപ്പുചവറുകൾ കത്തിക്കുന്നതിനിടെ തീ പടരുകയായിരുന്നു.(Vehicles caught fire at Pangode police station, 6 bikes burnt)
ആറ് ബൈക്കുകൾ പൂർണ്ണമായും കത്തിനശിച്ചു. ഓട്ടോറിക്ഷയ്ക്ക് ഭാഗികമായി തീപിടിച്ചു. തീ പടരുന്നത് ശ്രദ്ധയിൽപ്പെട്ട ഉടൻ തന്നെ സ്റ്റേഷനിലെ പോലീസുകാരും നാട്ടുകാരും ചേർന്ന് വെള്ളമൊഴിച്ച് തീ അണയ്ക്കാൻ ശ്രമിച്ചു. പിന്നാലെ സ്ഥലത്തെത്തിയ ഫയർ ഫോഴ്സ് യൂണിറ്റ് തീ പൂർണ്ണമായും നിയന്ത്രണവിധേയമാക്കി.
