തിരുവനന്തപുരം: സംസ്ഥാന പോലീസ് ആസ്ഥാനത്തിന് തൊട്ടുമുന്നിൽ പോലീസുകാർ തമ്മിലടിച്ചു (Thiruvananthapuram Police Clash). ഗാർഡ് ഡ്യൂട്ടിയിലുണ്ടായിരുന്ന ഉദ്യോഗസ്ഥൻ മ്യൂസിയം സ്റ്റേഷനിലെ സീനിയർ സിവിൽ പോലീസ് ഓഫീസറെ മർദ്ദിച്ചതായാണ് പരാതി. മ്യൂസിയം സ്റ്റേഷനിലെ എസ്സിപിഒ വിശാഖിനാണ് മർദ്ദനമേറ്റത്.
ട്രാഫിക് ഡ്യൂട്ടിയിലുണ്ടായിരുന്ന വിശാഖ്, റോഡരികിൽ പാർക്ക് ചെയ്തിരുന്ന ഒരു കാർ മാറ്റിയിടാൻ ആവശ്യപ്പെട്ടതാണ് തർക്കത്തിന് കാരണമായത്. പോലീസ് ആസ്ഥാനത്ത് ഗാർഡ് ഡ്യൂട്ടിയിലുണ്ടായിരുന്ന കിരൺ എന്ന പോലീസ് ഉദ്യോഗസ്ഥന്റെ അമ്മയുടേതായിരുന്നു ഈ കാർ. കാർ മാറ്റാൻ ആവശ്യപ്പെട്ടതിനെത്തുടർന്നുണ്ടായ വാക്കുതർക്കം കൈയാങ്കളിയിൽ കലാശിക്കുകയായിരുന്നു. ഡ്യൂട്ടിയിലുണ്ടായിരുന്ന കിരൺ വിശാഖിനെ മർദ്ദിച്ചുവെന്നാണ് ആരോപണം.
മർദ്ദനമേറ്റ വിശാഖ് സഹപ്രവർത്തകനായ കിരണിനെതിരെ മ്യൂസിയം പോലീസ് സ്റ്റേഷനിൽ ഔദ്യോഗികമായി പരാതി നൽകി. പോലീസ് ആസ്ഥാനത്തിന് തൊട്ടുമുന്നിൽ വെച്ച് സേനയിലെ ഉദ്യോഗസ്ഥർ തമ്മിലടിച്ചത് വകുപ്പിന് വലിയ നാണക്കേടുണ്ടാക്കിയിട്ടുണ്ട്. സംഭവത്തിൽ ഉന്നത ഉദ്യോഗസ്ഥർ അന്വേഷണത്തിന് ഉത്തരവിട്ടേക്കും.
Story Summary:
In an embarrassing incident for the Kerala Police, two officers clashed in front of the Police Headquarters in Thiruvananthapuram. Vishakh, a Senior Civil Police Officer from the Museum Station, was allegedly assaulted by Kiran, who was on guard duty at the headquarters. The altercation began when Vishakh asked to move a car parked on the roadside, which belonged to Kiran’s mother. A complaint has been filed at the Museum Police Station.
