പത്തനംതിട്ട: സ്പാ കേന്ദ്രത്തിൽ യുവതിയെ പീഡിപ്പിച്ച കേസിൽ ഒരാളെ കൂടി പോലീസ് അറസ്റ്റ് ചെയ്തു. ചുമത്ര സ്വദേശി ‘വൊക്കൻ പ്രശോഭ്’ ആണ് പിടിയിലായത്. റാന്നിയിൽ നിന്ന് ഇന്ന് പുലർച്ചെയാണ് പ്രത്യേക അന്വേഷണ സംഘം ഇയാളെ കസ്റ്റഡിയിലെടുത്തത്. ഇതോടെ കേസിൽ അറസ്റ്റിലായവരുടെ എണ്ണം നാലായി.(Thiruvalla spa rape case, another accused arrested)
കേസിൽ ഇനി രണ്ട് പേർ കൂടി പിടിയിലാകാനുണ്ട്. ഇവർ സംസ്ഥാനം വിട്ടതായാണ് പോലീസിന് ലഭിക്കുന്ന സൂചന. ഇവർക്കായി ഇതര സംസ്ഥാനങ്ങൾ കേന്ദ്രീകരിച്ച് അന്വേഷണം ശക്തമാക്കിയിട്ടുണ്ട്. മുഖ്യപ്രതി സുബിൻ, ബെർലിൻ ദാസ്, വരുൺ കുമാർ എന്നിവർ നേരത്തെ പിടിയിലായിരുന്നു. ഒളിവിൽ കഴിഞ്ഞിരുന്ന വരുൺ കുമാറിനെ കഴിഞ്ഞ ദിവസം ആലുവയിൽ നിന്നാണ് പിടികൂടിയത്.
കേസിലെ മുഖ്യപ്രതി സുബിനുമായി അന്വേഷണ സംഘം ഇന്ന് തെളിവെടുപ്പ് നടത്തും. ഇരകളുടെയും ജീവനക്കാരുടെയും സ്വകാര്യത കണക്കിലെടുത്ത് അതീവ രഹസ്യമായാണ് തെളിവെടുപ്പ് നടപടികൾ പൂർത്തിയാക്കുക.
