പാലക്കാട്: പട്ടാമ്പി ഗവൺമെന്റ് ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർത്ഥിക്ക് നേരെ ക്രൂരമായ മർദ്ദനം. കഴിഞ്ഞ ഫെബ്രുവരി 13-നായിരുന്നു സംഭവം. സ്കൂളിലെ ഒമ്പതാം ക്ലാസിലെയും പത്താം ക്ലാസിലെയും വിദ്യാർത്ഥികൾ തമ്മിലുണ്ടായിരുന്ന തർക്കമാണ് പുറത്തുനിന്നുള്ളവർ ഇടപെട്ടുകൊണ്ടുള്ള വലിയ അക്രമത്തിലേക്ക് നയിച്ചത്.(Student brutally beaten up in Pattambi)
മർദ്ദനത്തിൽ കുട്ടിയുടെ കണ്ണിന് ഗുരുതരമായി പരിക്കേറ്റു. സ്കൂളിനുള്ളിൽ കുറച്ചുദിവസങ്ങളായി ഒമ്പതാം ക്ലാസുകാരും പത്താം ക്ലാസുകാരും തമ്മിൽ ചില തർക്കങ്ങൾ നിലനിന്നിരുന്നു.
ഇതിന്റെ തുടർച്ചയായാണ് പുറത്തുനിന്നുള്ളവരെ വിളിച്ചുവരുത്തി മർദ്ദനം നടത്തിയത്. പരാതിയുടെ അടിസ്ഥാനത്തിൽ പോലീസ് കേസെടുത്ത് അന്വേഷണം ആരംഭിച്ചു.
