എറണാകുളം : മൂന്ന് വയസുകാരിയുടെ ചെവി തെരുവ് നായ കടിച്ചെടുത്ത സംഭവത്തിൽ കുട്ടി സ്വകാര്യ ആശുപത്രിയിൽ ചികിത്സയിൽ തുടരുന്നു. എറണാകുളത്ത് വടക്കൻ പറവൂരിലാണ് സംഭവം. നായയുടെ കടിയേറ്റത് നിഹാരയ്ക്കാണ്. (Stray dog attack in Ernakulam)
പേവിഷ ബാധ സംശയിക്കുന്നതിനാൽ കുട്ടിയെ ഇന്നലെ കളമശേരി മെഡിക്കൽ കോളേജിൽ നിന്ന് എറണാകുളം സ്പെഷ്യാലിറ്റി ആശുപത്രിയിലേക്ക് മാറ്റിയിരുന്നു.
വിദഗ്ദ്ധ ചികിത്സ ആവശ്യമാണെന്നാണ് വിവരം. അമ്പലത്തിന് സമീപം കുട്ടിയെ കടിച്ച തെരുവ് നായയെ നാട്ടുകാർ തല്ലിക്കൊന്നു. കുട്ടിക്ക് പേവിഷ പ്രതിരോധ കുത്തിവെപ്പ് നൽകിയിരുന്നു.