കോഴിക്കോട്: തെരുവുനായ ആക്രമണത്തിൽ വിദ്യാർത്ഥിനിക്ക് പരിക്ക്. നാദാപുരം ചെക്യാട് സ്വദേശി ഹാരിസിന്റെ മകൾ ഉസ്ന ആണ് തെരുവുനായയുടെ ആക്രമണത്തിന് ഇരയായത്. എട്ടാം ക്ലാസ് വിദ്യാർത്ഥിനിയായ ഉസ്ന മദ്രസ കഴിഞ്ഞ് വീട്ടിലേക്ക് മടങ്ങുന്നതിനിടെയാണ് നായ ആക്രമിച്ചത്.(Stray dog attack in Kozhikode, Student bitten after returning from madrasa)
കുട്ടിയുടെ കൈയ്ക്കാണ് കടിയേറ്റത്. ഉടൻ തന്നെ നാദാപുരം താലൂക്ക് ആശുപത്രിയിൽ പ്രവേശിപ്പിച്ചു. നാദാപുരം ടൗണിലും പരിസര പ്രദേശങ്ങളിലും കഴിഞ്ഞ കുറച്ചു ദിവസങ്ങളായി തെരുവുനായ ശല്യം രൂക്ഷമാണ്.
ഇന്നലെ നാദാപുരം ടൗണിൽ വെച്ച് യു.പി സ്വദേശികളായ ഇതരസംസ്ഥാന തൊഴിലാളികളുടെ മൂന്നര വയസ്സുള്ള പെൺകുഞ്ഞിനും കടിയേറ്റിരുന്നു. ഈ കുട്ടി ഇപ്പോൾ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്.
