തിരുവനന്തപുരം: മൂന്നാം മോദി സർക്കാരിന്റെ മൂന്നാം ബജറ്റ് കേരളത്തെ സംബന്ധിച്ച് അങ്ങേയറ്റം നിരാശാജനകമാണെന്ന് മന്ത്രി പി. രാജീവ്. രാജ്യത്ത് പുതിയതായി പ്രഖ്യാപിച്ച ഏഴ് അതിവേഗ റെയിൽ ഇടനാഴികളിൽ ഒന്നിൽ പോലും കേരളത്തെ ഉൾപ്പെടുത്താത്തത് കടുത്ത വിവേചനമാണെന്നും അദ്ദേഹം ആരോപിച്ചു.(Severe discrimination, Minister P Rajeev against the Union Budget)
രാജ്യത്ത് ആദ്യമായി അതിവേഗ റെയിൽ എന്ന ആശയവുമായി മുന്നോട്ടുവന്ന കേരളത്തെ പൂർണ്ണമായും തഴഞ്ഞതിനെ മന്ത്രി കുറ്റപ്പെടുത്തി. സംസ്ഥാനം ദീർഘകാലമായി ഉന്നയിക്കുന്ന എയിംസ് എന്ന ആവശ്യത്തോട് ഇത്തവണയും കേന്ദ്രം പുറംതിരിഞ്ഞു നിന്നു.
പ്രകൃതി ദുരന്തം നേരിട്ട വയനാടിനായി പ്രത്യേക സാമ്പത്തിക സഹായം പ്രഖ്യാപിച്ചില്ല. ബജറ്റിൽ കേരളത്തെ ഉൾപ്പെടുത്തിയിട്ടുള്ളത് ധാതു ഇടനാഴി പദ്ധതിയിലാണ്.
