പത്തനംതിട്ട: അഴിമതി ആരോപണത്തെത്തുടർന്ന് നടപടി നേരിട്ട നേതാവിനെ ലോക്കൽ സെക്രട്ടറിയായി നിയമിക്കാനുള്ള തീരുമാനത്തിൽ പത്തനംതിട്ട സി.പി.എമ്മിൽ പൊട്ടിത്തെറി. ജില്ലാ സെക്രട്ടറി രാജു എബ്രഹാമിനെതിരെ തിരുവല്ലയിൽ വ്യാപകമായി പോസ്റ്ററുകൾ പ്രത്യക്ഷപ്പെട്ടു.(Posters against Raju Abraham in Thiruvalla)
‘സേവ് സി.പി.ഐ.എം’ എന്ന പേരിലാണ് പരസ്യ പ്രതിഷേധവുമായി രംഗത്തിറങ്ങിയിരിക്കുന്നത്. ലോക്കൽ സെക്രട്ടറിയായി പ്രകാശ് ബാബുവിനെ നിയമിക്കാനുള്ള നീക്കമാണ് വിവാദങ്ങൾക്ക് ആധാരം.
ദേവസ്വം ബോർഡ് നിയമനങ്ങളുമായി ബന്ധപ്പെട്ട അഴിമതി ആരോപണങ്ങളിൽ കുറ്റക്കാരനാണെന്ന് കണ്ടെത്തിയതിനെത്തുടർന്ന് പ്രകാശ് ബാബുവിനെ നേരത്തെ ഏരിയ കമ്മിറ്റിയിൽ നിന്നും ബ്രാഞ്ച് കമ്മിറ്റിയിലേക്ക് തരംതാഴ്ത്തിയിരുന്നു.
