Follow on Google News
കണ്ണൂർ: അഞ്ചരക്കണ്ടി ഡെന്റൽ കോളേജ് വിദ്യാർത്ഥി നിതിൻ രാജിന്റെ മരണം അങ്ങേയറ്റം വേദനാജനകമാണെന്നും കുറ്റക്കാർക്കെതിരെ കർശനമായ നിയമനടപടികൾ സ്വീകരിക്കുമെന്നും ആരോഗ്യവകുപ്പ് മന്ത്രി വീണാ ജോർജ്. ഫേസ്ബുക്കിലൂടെയാണ് മന്ത്രി തന്റെ പ്രതികരണം അറിയിച്ചത്.(Nitin Raj’s death, Minister Veena George says strict action will be taken)
പോലീസ് അന്വേഷണത്തിന് പുറമെ കേരള ആരോഗ്യ സർവകലാശാല നിയോഗിച്ച പ്രത്യേക അന്വേഷണ സമിതിയും നടപടികൾ ആരംഭിച്ചതായി മന്ത്രി വ്യക്തമാക്കി. നിയമപരമായി സ്വീകരിക്കേണ്ട എല്ലാ നടപടികളും സർക്കാർ കർശനമായി ഉറപ്പാക്കുമെന്നും മന്ത്രി അറിയിച്ചു.
ക്യാമ്പസുകളിലോ മറ്റെവിടെയെങ്കിലുമോ ജാതി അധിക്ഷേപങ്ങളും പീഡനങ്ങളും ഒരു കാരണവശാലും കേരളം അനുവദിക്കില്ലെന്ന് മന്ത്രി കുറിച്ചു. ആ കുടുംബത്തിന്റെ ദുഃഖത്തിന്റെയും നഷ്ടത്തിന്റെയും ആഴം വലുതാണ്. ജാതിപരമായ വിവേചനങ്ങളും പീഡനങ്ങളും ഒരു തരത്തിലും അംഗീകരിക്കാനാവില്ല, മന്ത്രി വ്യക്തമാക്കി.
