മലപ്പുറം: നിലമ്പൂർ ഉപതെരഞ്ഞെടുപ്പിൽ പി.വി. അൻവറിന്‍റെ പൂർണ പിന്തുണ വേണമെന്ന് പ്രതിപക്ഷ നേതാവ് വി.ഡി. സതീശൻ. അൻവർ യുഡിഎഫിന് ഒപ്പം ഉണ്ടെന്നും അദ്ദേത്തിന്റെ പിന്തുണ യുഡിഎഫ് സ്വീകരിച്ചുവെന്നും വി.ഡി. സതീശൻ പറഞ്ഞു.
പാലക്കാട്‌ ഉണ്ടായ കനത്ത തോൽവിയിൽ നിന്ന് സി.പി.എം പാഠം പഠിച്ചിട്ടില്ലെന്നും ഇനി പഠിക്കരുതെന്നും വി.ഡി. സതീശൻ പരിഹസിച്ചു.
വിദ്വേഷ പ്രസംഗം ആര് നടത്തിയാലും യുഡിഎഫ് അതിനെ പൂർണമായി എതിർക്കും. വെള്ളാപ്പള്ളി നടേശൻ മലപ്പുറത്തെ കുറിച്ച് പറഞ്ഞത് ആലപ്പുഴയിൽ എത്തിയപ്പോൾ മുഖ്യമന്ത്രി അനുകൂലിക്കുന്നതാണ് നമ്മൾ കണ്ടത്.അമിത് ഷായും മുഖ്യമന്ത്രിയും തമ്മിൽ എന്താണ് വ്യത്യാസമെന്നും വിഡി സതീശൻ വിമർശിച്ചു..