കൊല്ലം: കൊല്ലത്ത് പ്രായപൂർത്തിയാകാത്ത പെൺകുട്ടിയെ നിരന്തരം പീഡനത്തിനിരയാക്കിയെന്ന കേസിൽ കത്തോലിക്കാ പുരോഹിതൻ പിടിയിൽ. ഫാ. ഡെന്നീസ് പ്രവീണിനെയാണ് (Kollam Chavara Priest Pocso Case Arrest) രഹസ്യ വിവരത്തിന്റെ അടിസ്ഥാനത്തിൽ ചവറ പോലീസ് ഔദ്യോഗികമായി അറസ്റ്റ് ചെയ്തത്. ചവറയിലെ പ്രമുഖ ധ്യാനകേന്ദ്രത്തിൽ ധ്യാനം കൂടാനെത്തിയ പെൺകുട്ടിയെ പുരോഹിതൻ ക്രൂരമായ പീഡനത്തിനിരയാക്കിയെന്നാണ് പോലീസിൽ രജിസ്റ്റർ ചെയ്ത കേസ്.
കഴിഞ്ഞ 2022 മുതൽ 2024 വരെയുള്ള കാലയളവിൽ പ്രതി പെൺകുട്ടിയെ പല തവണ പല സ്ഥലങ്ങളിൽ വെച്ച് ലൈംഗിക പീഡനത്തിനിരയാക്കിയെന്നാണ് പെൺകുട്ടിയുടെ മൊഴി. പീഡനവിവരം പുറത്തുപറഞ്ഞാൽ കടുത്ത പ്രത്യാഘാതങ്ങൾ ഉണ്ടാകുമെന്ന് പുരോഹിതൻ പെൺകുട്ടിയെ ഭീഷണിപ്പെടുത്തിയിരുന്നതായും പരാതിയിൽ പറയുന്നു. കുറ്റകൃത്യം നടക്കുമ്പോൾ പ്രതി ചവറ പരിമണം കാർമൽ ഭവൻ ആശ്രമത്തിൽ (Parimanam Carmel Bhavan Ashram) പുരോഹിതനായി സേവനമനുഷ്ഠിച്ചു വരികയായിരുന്നു.
പീഡനവിവരങ്ങൾ പെൺകുട്ടിയുടെ വീട്ടുകാർ അറിയുകയും പോലീസിൽ പരാതി നൽകാൻ ഒരുങ്ങുകയും ചെയ്തതോടെ പ്രതി ഇവിടെ നിന്നും ഒളിവിൽ പോകുകയായിരുന്നു. പിന്നീട് ഇയാൾ തിരുവനന്തപുരം പുളിങ്കുടിയിലുള്ള മറ്റൊരു ധ്യാനകേന്ദ്രത്തിലേക്ക് ചാർജ്ജ് എടുത്ത് മാറിയതായി പോലീസ് സൈബർ സെല്ലിന്റെ സഹായത്തോടെ കണ്ടെത്തി. തുടർന്ന് ചവറ ഇൻസ്പെക്ടറുടെ നേതൃത്വത്തിലുള്ള പ്രത്യേക അന്വേഷണസംഘം തിരുവനന്തപുരത്തെത്തിയാണ് പ്രതിയെ ബലപ്രയോഗത്തിലൂടെ കസ്റ്റഡിയിലെടുത്തത്. പ്രതിക്കെതിരെ പോക്സോ (POCSO) വകുപ്പുകൾ ഉൾപ്പെടെ ചുമത്തി കേസെടുത്ത ചവറ പോലീസ്, കോടതിയിൽ ഹാജരാക്കി റിമാൻഡ് ചെയ്യാനുള്ള തുടർനടപടികൾ സ്വീകരിച്ചുവരികയാണ്.
Story Summary: A Catholic priest, Fr. Dennis Praveen, has been arrested by the Chavara Police in Kollam on charges of repeatedly sexually assaulting a girl who attended a spiritual retreat. The offenses were allegedly committed multiple times between 2022 and 2024. The accused was previously working at the Parimanam Carmel Bhavan Ashram in Chavara and was later tracked down and arrested after shifting to a retreat centre in Pulinkudi, Thiruvananthapuram.
