തിരുവനന്തപുരം: അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി കേരളത്തിൽ വെള്ളിയാഴ്ച സമ്പൂർണ ‘ഡ്രൈ ഡേ’ ആയിരിക്കും (Kerala dry day). സംസ്ഥാന സർക്കാരിന്റെ ഉത്തരവ് പ്രകാരം വെള്ളിയാഴ്ച കേരളത്തിലെ പ്രമുഖ മദ്യവിൽപ്പന ശാലകളായ കൺസ്യൂമർഫെഡ്, ബെവ്കോ (കെ.എസ്.ബി.സി) ഔട്ട്ലെറ്റുകളും എല്ലാത്തരം ബാറുകളും പൂർണ്ണമായി അടഞ്ഞുകിടക്കും. മദ്യത്തിന്റെയും മയക്കുമരുന്നിന്റെയും മാരകമായ ഉപയോഗത്തിനെതിരെ സമൂഹത്തിൽ ശക്തമായ ബോധവൽക്കരണം ഉറപ്പാക്കുന്നതിന്റെ ഭാഗമായാണ് ഈ തീരുമാനം.
എല്ലാ വർഷവും ജൂൺ 26-നാണ് ആഗോളതലത്തിൽ ലോക ലഹരി വിരുദ്ധ ദിനമായി ആചരിക്കുന്നത്. മയക്കുമരുന്ന് ഉപയോഗം, മദ്യപാനം എന്നിവ തടയുന്നതിനൊപ്പം അവയുടെ നിയമവിരുദ്ധമായ കടത്തലുകൾക്കെതിരെ ജനങ്ങളെ ബോധവൽക്കരിക്കുക എന്ന ഉന്നത ലക്ഷ്യത്തോടെയാണ് 1987 ഡിസംബറിൽ ഐക്യരാഷ്ട്ര സഭ (UN) പൊതു അസംബ്ലി ഈ ദിനാചരണത്തിന് തുടക്കമിട്ടത്.
ലഹരി വിരുദ്ധ ദിനാചരണത്തോടനുബന്ധിച്ച് വിപുലമായ പരിപാടികളാണ് സംസ്ഥാനത്തുടനീളം ആസൂത്രണം ചെയ്തിരിക്കുന്നത്. എക്സൈസ് വകുപ്പ്, സാമൂഹികനീതി വകുപ്പ്, വിവിധ വിദ്യാഭ്യാസ സ്ഥാപനങ്ങൾ, കുടുംബശ്രീ, മറ്റ് സന്നദ്ധ സംഘടനകൾ എന്നിവയുടെ സംയുക്ത ആഭിമുഖ്യത്തിൽ വിദ്യാലയങ്ങളിലും പൊതുവിടങ്ങളിലും ലഹരി വിരുദ്ധ പ്രതിജ്ഞകളും റാലികളും ബോധവൽക്കരണ ക്ലാസുകളും സംഘടിപ്പിക്കും.
Story Summary:
In observance of International Day Against Drug Abuse and Illicit Trafficking, Kerala will observe a dry day this Friday. All BEVCO outlets, Consumerfed shops, and bars across the state will remain closed as part of anti-drug awareness campaigns.
