തിരുവനന്തപുരം: രാജ്യം കാത്തിരുന്ന കേന്ദ്ര ബജറ്റിൽ വമ്പൻ അടിസ്ഥാന സൗകര്യ വികസന പദ്ധതികൾ പ്രഖ്യാപിച്ച് ധനമന്ത്രി നിർമല സീതാരാമൻ. രാജ്യത്തെ പ്രധാന നഗരങ്ങളെ ബന്ധിപ്പിച്ച് ഏഴ് പുതിയ അതിവേഗ റെയിൽ ഇടനാഴികൾ പ്രഖ്യാപിച്ചതാണ് റെയിൽവേ മേഖലയിലെ പ്രധാന ഹൈലൈറ്റ്. എന്നാൽ, ഈ പട്ടികയിൽ കേരളത്തെ ഉൾപ്പെടുത്തിയില്ല.(Kerala disappointed regarding high-speed railway in Union Budget 2026-27)
7 അതിവേഗ റെയിൽ ഇടനാഴികൾ മുംബൈ – പൂനെ, പൂനെ – ഹൈദരാബാദ്, ഹൈദരാബാദ് – ബെംഗളൂരു, ഹൈദരാബാദ് – ചെന്നൈ, ചെന്നൈ – ബെംഗളൂരു, ഡൽഹി – വാരാണസി, വാരാണസി – സിലിഗുരി എന്നിവയാണ്. പദ്ധതി പ്രഖ്യാപനത്തിനിടെ എം.പിമാർ ‘കേരളം… കേരളം’ എന്ന് വിളിച്ചുപറഞ്ഞ് രംഗത്തെത്തി.
റെയിൽവേയിൽ നിരാശയുണ്ടായെങ്കിലും കേരളത്തിന് ആശ്വാസമായി ഇന്ത്യ 2.0 സെമികണ്ടക്ടർ മിഷന്റെ ഭാഗമായുള്ള പ്രഖ്യാപനം വന്നു. കേരളം, തമിഴ്നാട്, ആന്ധ്രാപ്രദേശ്, ഒഡിഷ എന്നീ സംസ്ഥാനങ്ങളെ ബന്ധിപ്പിച്ചുള്ള ധാതു ഇടനാഴി പദ്ധതിക്കായി 40,000 കോടി രൂപ നീക്കിവെച്ചു.
