തിരുവനന്തപുരം: കരമനയിൽ ശനിയാഴ്ച പുലർച്ചെയുണ്ടായ ബൈക്ക് അപകടത്തിൽ മൂന്ന് പേർക്ക് ദാരുണാന്ത്യം (Karamana Bike Accident). നെയ്യാറ്റിൻകര സ്വദേശികളായ പ്രണവ്, സജിൻ, ഇതരസംസ്ഥാന തൊഴിലാളിയായ റ്വിതിക് എന്നിവരാണ് മരിച്ചത്. ശനിയാഴ്ച പുലർച്ചെ ഒന്നരയോടെയായിരുന്നു അപകടം.
ഹോട്ടൽ തൊഴിലാളികളായ മൂന്നുപേരും ഒരു ബൈക്കിലായിരുന്നു യാത്ര ചെയ്തിരുന്നത്. പുലർച്ചെ ജോലി കഴിഞ്ഞ് മടങ്ങുകയായിരുന്നു ഇവർ. അമിതവേഗതയിലെത്തിയ ബൈക്ക് നിയന്ത്രണം വിട്ട് റോഡരികിലെ നടപ്പാതയിൽ ഇടിക്കുകയായിരുന്നു. ആഘാതത്തിൽ ബൈക്ക് തെറിച്ച് സമീപത്ത് നിർത്തിയിട്ടിരുന്ന മറ്റ് ബൈക്കുകളിലും തട്ടി.
മരിച്ച മൂന്ന് പേരും അപകടസമയത്ത് ഹെൽമെറ്റ് ധരിച്ചിരുന്നില്ലെന്ന് പോലീസ് വ്യക്തമാക്കി. തലയ്ക്കേറ്റ ഗുരുതര പരിക്കാണ് മരണകാരണമെന്നാണ് പ്രാഥമിക നിഗമനം.
മൃതദേഹങ്ങൾ തിരുവനന്തപുരം മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി. സംഭവത്തിൽ കരമന പോലീസ് കേസ് രജിസ്റ്റർ ചെയ്തിട്ടുണ്ട്.
Story Summary: Three hotel workers died in a bike accident at Karamana, Thiruvananthapuram, in the early hours of Saturday. The deceased are Pranav and Sajin from Neyyattinkara, and Hrithik, a migrant worker. The bike lost control and hit a pavement. According to the police, the victims were not wearing helmets at the time of the crash.
