കൊല്ലം : ബൈപാസ് റോഡിന്റെ ഭാഗമായ പാലത്തറയിലെ ഉയരപ്പാതയിൽ വിള്ളൽ കണ്ടെത്തി. നിർമ്മാണത്തിലിരിക്കുന്ന ദേശീയപാത 66-ൽ ഏകദേശം 10 മീറ്ററോളം നീളത്തിൽ വലിയ വിള്ളൽ രൂപപ്പെട്ടത് നാട്ടുകാരിൽ ആശങ്ക പരത്തിയിട്ടുണ്ട്. സംഭവം ശ്രദ്ധയിൽപ്പെട്ടതിനെത്തുടർന്ന് ദേശീയപാത വിഭാഗം ഉദ്യോഗസ്ഥരും നിർമ്മാണ കമ്പനി പ്രതിനിധികളും സ്ഥലത്തെത്തി പരിശോധന നടത്തി.(Fresh Cracks Appear On Kollam National Highway 66 Elevated Road)
റോഡിന്റെ ഉപരിതലത്തിൽ മാത്രമുള്ള വിള്ളലാണിതെന്നും, ബലക്ഷയം പോലുള്ള ഘടനാപരമായ പ്രശ്നങ്ങളൊന്നും നിലവിലില്ലെന്നുമാണ് ഉദ്യോഗസ്ഥരുടെ അവകാശവാദം. മുൻകരുതൽ നടപടിയായി ജെസിബി ഉപയോഗിച്ച് വിള്ളൽ കണ്ടെത്തിയ ഭാഗത്തെ ടാർ പൂർണ്ണമായും ഇളക്കി മാറ്റിയിട്ടുണ്ട്. എത്രയും വേഗം പുതിയ രീതിയിൽ ടാറിങ് നടത്തി ഗതാഗതയോഗ്യമാക്കുമെന്ന് നിർമ്മാണ കമ്പനി അറിയിച്ചു.
ദേശീയപാത 66-ന്റെ ഭാഗത്ത് ഇത്തരത്തിൽ വിള്ളലുകൾ പ്രത്യക്ഷപ്പെടുന്നത് ഇത് ആദ്യമല്ല. മുൻപ് കാവനാട് ഭാഗത്തെ ഉയരപ്പാതയിലും സമാനമായ വിള്ളലുകൾ കണ്ടിരുന്നു.
Story Summary
A significant 10-meter-long crack has appeared on the under-construction elevated highway at Palathara on the Kollam bypass, causing concern among local residents and travelers. While officials from the National Highways Authority of India (NHAI) have dismissed the issue as a minor surface crack and promised immediate repairs, the recurring nature of these fissures has raised questions about the construction standards of NH-66.
