തിരുവനന്തപുരം: രാജ്യാന്തര, ആഭ്യന്തര ടെർമിനലുകളെ തമ്മിൽ ബന്ധിപ്പിച്ചുകൊണ്ട് തിരുവനന്തപുരം അന്താരാഷ്ട്ര വിമാനത്താവളത്തിൽ ഇലക്ട്രിക് ബസ് സർവീസ് ആരംഭിച്ചു. ട്രാൻസിറ്റ് യാത്രക്കാരുടെ സൗകര്യം മുൻനിർത്തിയാണ് വിമാനത്താവള അധികൃതർ ഈ ഷട്ടിൽ സർവീസ് ഏർപ്പെടുത്തിയിരിക്കുന്നത്.(EV shuttle service launched at Thiruvananthapuram Airport connecting international and domestic terminals)
വിദേശത്തുനിന്നെത്തി ആഭ്യന്തര വിമാനങ്ങളിൽ യാത്ര തുടരുന്നവർക്കും, മറ്റ് ഇന്ത്യൻ നഗരങ്ങളിൽ നിന്ന് തിരുവനന്തപുരം വഴി വിദേശത്തേക്ക് പോകുന്നവർക്കും ഈ സേവനം പൂർണ്ണമായും സൗജന്യമാണ്. ബസിൽ കയറുന്ന സമയത്ത് യാത്രക്കാർ തങ്ങളുടെ ബോർഡിങ് പാസ് ഹാജരാക്കേണ്ടതുണ്ട്.
യാത്രക്കാരുടെ തിരക്ക് പരിഗണിച്ച് ദിവസവും 24 മണിക്കൂറും ഈ ഇവി ബസ് സർവീസ് ലഭ്യമായിരിക്കും. ടെർമിനലുകൾക്കിടയിലുള്ള യാത്ര കൂടുതൽ സുഗമമാക്കാൻ ഈ ബസുകൾ സഹായിക്കും.
