കൊച്ചി: എറണാകുളം ഞാറയ്ക്കലിൽ ആത്മഹത്യ ചെയ്ത നിലയിൽ കണ്ടെത്തിയ 17 വയസ്സുകാരൻ്റെ മരണത്തിൽ ഓൺലൈൻ ഗെയിമിംഗിന് പങ്കുണ്ടോ എന്ന് പോലീസ് അന്വേഷിക്കുന്നു. ഓൺലൈൻ ഗെയിമിംഗിനോട് ആസക്തി ഉണ്ടായിരുന്നതായാണ് പ്രാഥമിക വിവരം.(Death of 17-year-old, Suspected of online game addiction, Police investigation intensifies)
ഫുട്ബോൾ കളിക്കാനാണെന്ന് പറഞ്ഞ് വീട്ടിൽ നിന്നിറങ്ങിയ കുട്ടി രാത്രിയായിട്ടും തിരിച്ചെത്തിയില്ല. തുടർന്ന് കുടുംബം പോലീസിൽ പരാതി നൽകുകയായിരുന്നു. തിരച്ചിലിനൊടുവിൽ ഞാറയ്ക്കൽ ചാപ്പ ബീച്ചിൽ നിന്നാണ് മൃതദേഹം കണ്ടെത്തിയത്. കടൽഭിത്തിയിലൂടെ നടന്നുപോകുന്ന സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്.
