കൊച്ചി: എറണാകുളം പൂക്കാട്ടുപടിക്ക് സമീപം അറയ്ക്കപ്പടിയിൽ കോളേജ് ബസും സ്വകാര്യ ബസും കൂട്ടിയിടിച്ച് വൻ അപകടം. അപകടത്തിൽ നാല് വിദ്യാർത്ഥികൾക്ക് പരിക്കേറ്റു. കോളേജ് ബസ് ഡ്രൈവറുടെ പരിക്ക് ഗുരുതരമാണ്. രാവിലെ എട്ടരയോടെയാണ് സംഭവം നടന്നത്.(College bus and private bus collide, driver seriously injured, 4 students injured)
ആലുവ ജയ്ഭാരത് കോളേജിന്റെ ബസും കോതമംഗലം – ആലുവ റൂട്ടിലോടുന്ന ‘റെയ്ഹാൻ’ എന്ന സ്വകാര്യ ബസുമാണ് കൂട്ടിയിടിച്ചത്. കൂട്ടിയിടിയുടെ ആഘാതത്തിൽ കോളേജ് ബസിന്റെ മുൻഭാഗം പൂർണ്ണമായും തകർന്നു. ഡ്രൈവറുടെ രണ്ട് കാലുകളും കാബിനുള്ളിൽ കുടുങ്ങിക്കിടക്കുന്ന അവസ്ഥയിലായിരുന്നു.
ബസിലുണ്ടായിരുന്ന നാല് വിദ്യാർത്ഥികൾക്ക് പരിക്കേറ്റു. ഇവരെ ഉടൻ തന്നെ തൊട്ടടുത്ത സ്വകാര്യ ആശുപത്രിയിൽ പ്രവേശിപ്പിച്ചു.
