തിരുവനന്തപുരം: നെയ്യാറ്റിൻകര ആശുപത്രിക്ക് സമീപം റോഡിന് കുറുകെ കിടന്ന ഇലക്ട്രിക് ലൈനിൽ ബൈക്ക് കുരുങ്ങി യാത്രക്കാരന് ഗുരുതരമായി പരിക്കേറ്റു. കാഞ്ഞിരംകുളം സ്വദേശി രാജേന്ദ്രനാണ് പരിക്കേറ്റത്. ഇദ്ദേഹത്തോടൊപ്പം ബൈക്കിലുണ്ടായിരുന്ന മകൻ അരുണിന് നിസ്സാര പരിക്കേറ്റു.(ഇലക്ട്രിക് ലൈനിൽ കുരുങ്ങി: ബൈക്ക് യാത്രക്കാരന് പരിക്കേറ്റു (Biker injured after getting entangled in electric line)
നെയ്യാറ്റിൻകര ആശുപത്രിക്ക് സമീപം പണികൾ നടക്കുകയായിരുന്നു. ഈ സമയത്ത് റോഡിന് കുറുകെ കിടന്ന ലൈൻ കമ്പിയിൽ കുരുങ്ങിയാണ് അപകടം ഉണ്ടായത്. സുരക്ഷാ മാനദണ്ഡങ്ങളും പാലിച്ചില്ല എന്ന് ആരോപണമുണ്ട്. പരിക്കേറ്റ രാജേന്ദ്രനെ നെയ്യാറ്റിൻകര ആശുപത്രിയിൽ പ്രവേശിപ്പിച്ചു.
