തിരുവനന്തപുരം: കേരള നിയമസഭാ തിരഞ്ഞെടുപ്പിന്റെ ഒരുക്കങ്ങളും തിരക്കുകളും പരിഗണിച്ച് മുഖ്യമന്ത്രി പിണറായി വിജയൻ തന്റെ വത്തിക്കാൻ സന്ദർശനം ഒഴിവാക്കി. മാർച്ച് നാലിന് വത്തിക്കാനിൽ വെച്ച് മാർപാപ്പയുമായി നടത്താനിരുന്ന കൂടിക്കാഴ്ചയിൽ മുഖ്യമന്ത്രി പങ്കെടുക്കില്ല. സംസ്ഥാന സർക്കാരിന്റെ ഡൽഹിയിലെ പ്രത്യേക പ്രതിനിധി കെ.വി. തോമസാണ് ഈ വിവരം അറിയിച്ചത്.(Assembly election rush, Chief Minister Pinarayi Vijayan will not go to Vatican)
മാർച്ച് നാലിന് മാർപാപ്പയുമായി കൂടിക്കാഴ്ച നടത്താൻ മുഖ്യമന്ത്രിക്കും കെ.വി. തോമസിനും ഉൾപ്പെടെയുള്ള 16 അംഗ സംഘത്തിനാണ് വത്തിക്കാൻ അനുമതി നൽകിയിരുന്നത്. മുഖ്യമന്ത്രി ഇല്ലാത്തതിനാൽ അനൗദ്യോഗിക സംഘമായിട്ടായിരിക്കും ഇവർ വത്തിക്കാനിലെത്തുക.
മുഖ്യമന്ത്രിയുടെ അഭാവത്തിലും ഈ കൂടിക്കാഴ്ച കേരളത്തിന് വലിയൊരു അഭിമാന നിമിഷമാണെന്ന് കെ.വി. തോമസ് പറഞ്ഞു. മുഖ്യമന്ത്രിയുടെ പ്രത്യേക അന്വേഷണം അദ്ദേഹം മാർപാപ്പയെ അറിയിക്കും.
