കൊച്ചി: നെടുമ്പാശ്ശേരി അന്താരാഷ്ട്ര വിമാനത്താവളത്തെ വാട്ടർ മെട്രോയുമായി ബന്ധിപ്പിക്കുന്നതിനുള്ള സമഗ്ര സാധ്യതാ പഠനം കൊച്ചി മെട്രോ റെയിൽ ലിമിറ്റഡ് ആരംഭിച്ചു. ഇതിന്റെ ഭാഗമായുള്ള ട്രാഫിക് പഠനമാണ് ഇപ്പോൾ നടക്കുന്നത്.(Aluva – Airport Water Metro, KMRL explores possibilities; Study begins)
ആലുവ മെട്രോ സ്റ്റേഷന് സമീപത്തു നിന്ന് പെരിയാർ വഴി വിമാനത്താവളത്തിലേക്ക് ആണ് റൂട്ട്. ദൂരം ഏകദേശം 8 കിലോമീറ്റർ ആണ്. വിമാനത്താവളത്തിലേക്കുള്ള യാത്രക്കാർക്കും വിനോദസഞ്ചാരികൾക്കും മെട്രോയുമായി ബന്ധിപ്പിച്ചുള്ള സമാന്തരവും സുഗമവുമായ ഗതാഗത മാർഗ്ഗം ഒരുക്കുകയാണ് ലക്ഷ്യം.
പെരിയാറിലെ ജലനിരപ്പ്, ബോട്ട് സർവീസിന് അനുയോജ്യമായ ആഴം, യാത്രക്കാരുടെ എണ്ണം, സാമ്പത്തിക ലാഭം എന്നിവ ട്രാഫിക് പഠനത്തിലൂടെ വിലയിരുത്തും. ഈ പദ്ധതി യാഥാർത്ഥ്യമായാൽ, റോഡ്-മെട്രോ ഗതാഗതത്തിന് പുറമെ ജലഗതാഗതവും ലഭ്യമാകുന്നതോടെ നെടുമ്പാശ്ശേരി വിമാനത്താവളം ഒരു പ്രധാന ട്രാൻസിറ്റ് ഹബ്ബായി മാറും.
