ആലപ്പുഴ: ജില്ലയിലെ ചമ്പക്കുളത്തും കൈനകരിയിലുമായി രണ്ട് സ്കൂൾ വിദ്യാർത്ഥിനികളെ വീടിനുള്ളിൽ മരിച്ച നിലയിൽ കണ്ടെത്തി (Alappuzha Student Death). ചമ്പക്കുളം സ്വദേശിനി ആൻ മരിയ ഡേവിഡ് (17), കൈനകരി സ്വദേശിനി ഐറിൻ സാബു (18) എന്നിവരാണ് മരിച്ചത്. ഇന്നലെ പുലർച്ചെയോടെയായിരുന്നു നാടിനെ വേദനിപ്പിച്ച രണ്ട് സംഭവങ്ങളും നടന്നത്.
ചമ്പക്കുളം പഞ്ചായത്ത് 11-ാം വാർഡ് പുളിക്കത്ര വീട്ടിൽ ഡേവിഡിന്റെ മകളാണ് ആൻ മരിയ. വീട്ടിലെ ഹാൾ മുറിയിൽ സഹോദരങ്ങൾക്കൊപ്പം ഉറങ്ങാൻ കിടന്നതായിരുന്നു ആൻ. പുലർച്ചെ നാലരയോടെ ഉണർന്ന സഹോദരനാണ് ആൻ മരിയയെ ഷാളിൽ തൂങ്ങിയ നിലയിൽ കണ്ടെത്തിയത്. മാതാവ്: ബിൻസി.
കൈനകരി പഞ്ചായത്ത് 12-ാം വാർഡ് കയാറ്റിൽചിറ സാബുവിന്റെ മകളാണ് ഐറിൻ. മാതാവ്: റോസമ്മ. സഹോദരങ്ങൾ: ജെറിൻ, ഷെറി.
മനോവിഷമമാണ് മരണകാരണമെന്നാണ് പ്രാഥമിക എഫ്.ഐ.ആറിൽ (FIR) സൂചിപ്പിക്കുന്നത്. എന്നാൽ രണ്ട് മരണങ്ങളും ഒരേ ദിവസം നടന്നതാണോ എന്നതടക്കമുള്ള കാര്യങ്ങൾ പോലീസ് പരിശോധിക്കുന്നുണ്ട്. വണ്ടാനം മെഡിക്കൽ കോളേജ് ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹങ്ങൾ ബന്ധുക്കൾക്ക് വിട്ടുനൽകി. നെടുമുടി പോലീസ് അസ്വാഭാവിക മരണത്തിന് കേസെടുത്ത് അന്വേഷണം ഊർജ്ജിതമാക്കിയിട്ടുണ്ട്.
Story Summary: Two Plus One students, Ann Maria David from Champakulam and Irene Sabu from Kainakary, were found hanging in their homes in Alappuzha. Police suspect mental distress as the cause. Nedumudi Police have initiated an investigation after conducting post-mortems.
