മലപ്പുറം : റോഡ് മുറിച്ചു കടക്കുന്നതിനിടെ സ്കൂട്ടറിൽ ബസ്സിടിച്ച് സ്കൂട്ടർ യാത്രക്കാരൻ മരിച്ചു (Malappuram Accident). കുറ്റൂളി സ്വദേശി മാര്യോട്ടിൽ മൊയ്തീൻകുട്ടി മകൻ വേലിപ്പുറവൻ മുഹമ്മദ് ആണ് മരണപ്പെട്ടത്. അരീക്കോട് മുക്കം റൂട്ടിൽ കുറ്റൂളിയിൽ ഇന്ന് ഉച്ചക്ക് 3 മണിയോടെയാണ് അപകടം . വീടിനു സമീപം റോട്ടിൽ നിന്നും വീട്ടിലേക്ക് തിരിയുന്നതിനിടെ സ്കൂട്ടറിൽ ബസ്സ്‌ ഇടിച്ച് ആണ് അപകടമുണ്ടായത്. ഉടനെ അരീക്കോട് സ്വകാര്യ ഹോസ്പിറ്റലിൽ എത്തിച്ചെങ്കിലും ജീവൻ രക്ഷിക്കാൻ ആയില്ല. മൃതദേഹം പോലീസ് നടപടി കഴിഞ്ഞ് മഞ്ചേരി മെഡിക്കൽ കോളേജിലേക്ക് മാറ്റി.