മലപ്പുറം : പതിനേഴുകാരിയെ പീഡിപ്പിച്ച കേസിൽ മധ്യവയസ്കന് 55 വര്‍ഷം കഠിന തടവ്.കൊണ്ടോട്ടി കരിപ്പൂർ സ്വദേശി ഷമീറലി മന്‍സൂറിനെയാണ് (44) ശിക്ഷിച്ചത്. മഞ്ചേരി ഫാസ്റ്റ് ട്രാക്ക് സ്‌പെഷ്യല്‍ കോടതി-2 ആണ് ശിക്ഷ വിധിച്ചത്.
പെൺകുട്ടിയെ ലോഡ്‌ജ് റൂമില്‍ തടങ്കലില്‍ വെച്ച് കൊല്ലുമെന്ന് ഭീഷണിപ്പെടുത്തി പ്രതി ക്രൂരമായി പീഡിപ്പിക്കുകയായിരുന്നു. കൊണ്ടോട്ടി പൊലീസ് രജിസ്റ്റർ ചെയ്ത കേസിലാണ് പ്രതി പിടിയിലായത്.
നേരത്തെ മറ്റൊരു പോക്സോ കേസിൽ 18 വര്‍ഷം കഠിന തടവിന് ശിക്ഷിക്കപ്പെട്ട പ്രതി നിലവില്‍ തവനൂര്‍ സെന്‍ട്രല്‍ ജയിലിലാണ്.