കൊച്ചി: മുനമ്പത്ത് വീട്ടുകാർക്കൊപ്പം ഭക്ഷണം കഴിച്ചുകൊണ്ടിരുന്ന യുവാവ് കുഴഞ്ഞുവീണ് മരിച്ചു. മുനമ്പം സ്വദേശി ആന്റോൺ (21) ആണ് മരിച്ചത്. ലോജിസ്റ്റിക്സ് വിദ്യാർത്ഥിയായ ആന്റോൺ ഇന്ന് രാവിലെ പള്ളിയിൽ പോയി മടങ്ങിയെത്തിയ ശേഷമാണ് സംഭവം.( 21-year-old collapses and dies while eating food)
പള്ളിയിൽ നിന്ന് വീട്ടിലെത്തിയ ആന്റോൺ കുടുംബാംഗങ്ങൾക്കൊപ്പം ഭക്ഷണം കഴിക്കാൻ ഇരിക്കുകയായിരുന്നു. ആദ്യം പഫ്സും പിന്നീട് ഉപ്പുമാവും കഴിക്കുന്നതിനിടയിലാണ് പെട്ടെന്ന് ശാരീരിക അസ്വസ്ഥത പ്രകടിപ്പിച്ചത്. ഉടൻ തന്നെ വീട്ടുകാർ ആശുപത്രിയിൽ എത്തിച്ചെങ്കിലും മരണം സംഭവിച്ചു.
