കണ്ണൂർ: രക്തസാക്ഷി ഫണ്ട് തട്ടിപ്പ് വെളിപ്പെടുത്തി പാർട്ടിയെ പ്രതിരോധത്തിലാക്കിയ വി. കുഞ്ഞികൃഷ്ണനെ ജില്ലാ കമ്മിറ്റിയിൽ ഉൾപ്പെടുത്തിയ നടപടി തെറ്റായിപ്പോയെന്ന വിലയിരുത്തലിലാണ് കണ്ണൂരിലെ ഒരു വിഭാഗം നേതാക്കൾ. കുഞ്ഞികൃഷ്ണന്റെ ഇപ്പോഴത്തെ ജനപ്രീതിക്ക് കാരണം ഉയർന്ന സംഘടനാ പദവിയാണെന്ന് ജില്ലാ കമ്മിറ്റിയിൽ അഭിപ്രായമുയർന്നു.(Allegations that the label of being a district committee member helped V Kunhikrishnan)
എം.വി. ഗോവിന്ദൻ സംസ്ഥാന സെക്രട്ടറിയായ ശേഷമാണ് കുഞ്ഞികൃഷ്ണനെ ജില്ലാ കമ്മിറ്റിയിൽ ഉൾപ്പെടുത്തിയത്. വെളിപ്പെടുത്തലുകൾ പാർട്ടിയുടെ പ്രതിച്ഛായയ്ക്ക് കൂടുതൽ മങ്ങലേൽപ്പിച്ചുവെന്ന് ഇവർ പറയുന്നു.
കുഞ്ഞികൃഷ്ണനെ പുറത്താക്കിയെങ്കിലും പയ്യന്നൂരിലെ അണികൾക്കിടയിൽ അദ്ദേഹത്തിനുള്ള സ്വാധീനം പാർട്ടിയെ ആശങ്കപ്പെടുത്തുന്നുണ്ട്.
