തൃശൂർ: ചാലക്കുടി ചിറങ്ങരയിൽ മേൽപ്പാല നിർമ്മാണത്തിനിടെ ഗുരുതര സുരക്ഷാവീഴ്ച തുടരുന്നു. നിർമ്മാണത്തിലിരിക്കുന്ന പാലത്തിന്റെ കോൺക്രീറ്റ് സ്ലാബ് സർവീസ് റോഡിലേക്ക് വീണു. ഇത് മൂന്നാം തവണയാണ് സ്ലാബ് റോഡിലേക്ക് വീഴുന്നതെന്നത് പ്രദേശവാസികളെയും യാത്രക്കാരെയും ഒരുപോലെ ഭീതിയിലാഴ്ത്തിയിരിക്കുകയാണ്.(Another safety lapse in Chirangara, Overpass slab falls onto service road)
മേൽപ്പാലത്തിന്റെ ഭാഗമായി മണ്ണിട്ട് നികത്തുന്നതിനായി വശങ്ങളിൽ സ്ഥാപിക്കുന്ന സ്ലാബാണ് മറിഞ്ഞുവീണത്. ജെ.സി.ബി ഉപയോഗിച്ചാണ് സ്ലാബ് ഉയർത്തുന്നത്.
മതിയായ സുരക്ഷാ ക്രമീകരണങ്ങളോ മുന്നറിയിപ്പ് ബോർഡുകളോ ഇല്ലാതെ അലക്ഷ്യമായാണ് നിർമ്മാണ പ്രവർത്തനങ്ങൾ നടത്തുന്നതെന്ന് പരാതിയുണ്ട്.
