കൊല്ലം : മലയാളിയായ മെഡിക്കൽ വിദ്യാർത്ഥി കർണാടകയിൽ കടലിൽ മുങ്ങി മരിച്ചു. കർണാടകയിലെ കാർവാർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ രണ്ടാം വർഷ എം.ബി.ബി.എസ് വിദ്യാർത്ഥിനിയായ കല്യാണി (20) ആണ് ഗോകർണ ബീച്ചിലുണ്ടായ അപകടത്തിൽ മരിച്ചത്. കൊല്ലം പരവൂർ കോട്ടപ്പുറം സ്വദേശിനിയാണ് കല്യാണി.(Medical student from Kollam drowns in sea in Karnataka)
കഴിഞ്ഞ ഞായറാഴ്ചയാണ് കല്യാണിയും സഹപാഠികളും വിനോദയാത്രയുടെ ഭാഗമായി ഗോകർണ ബീച്ചിലെത്തിയത്. ശക്തമായ തിരയിൽപ്പെടുകയായിരുന്നു. കല്യാണിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കർണാടകയിലെ നിയമനടപടികൾ പൂർത്തിയാക്കി മൃതദേഹം ഇന്ന് നാട്ടിലെത്തിച്ചു. സംസ്കാര ചടങ്ങുകൾ നടന്നു.
