തിരുവനന്തപുരം: സിപിഎമ്മിലെ ഫണ്ട് തട്ടിപ്പുകൾ പുതിയ സംഭവമല്ലെന്നും രക്തസാക്ഷികളുടെ പേരിൽ പിരിക്കുന്ന പണം എങ്ങോട്ട് പോകുന്നു എന്നതിന് പാർട്ടിക്ക് മറുപടിയില്ലെന്നും കെ.കെ. രമ എംഎൽഎ. പയ്യന്നൂരിലെ ഫണ്ട് വിവാദത്തിന്റെ പശ്ചാത്തലത്തിൽ ആയിരുന്നു പ്രതികരണം.(KK Rema against CPM in Martyrs Fund scam)
2005-ൽ രക്തസാക്ഷി കുടുംബങ്ങളെ സഹായിക്കാനെന്ന പേരിൽ സിപിഎം സംസ്ഥാന വ്യാപകമായി 25 കോടി രൂപ പിരിച്ചിരുന്നു. തങ്ങൾ പാർട്ടിയിൽ പ്രവർത്തിച്ചിരുന്ന കാലത്തായിരുന്നു ആ പിരിവ് നടന്നത്.
എന്നാൽ ആ പണം എവിടെ പോയി എന്നതിനെക്കുറിച്ച് ഇപ്പോൾ ആർക്കും അറിവില്ലെന്ന് രമ ആരോപിച്ചു. വരാനിരിക്കുന്ന രക്തസാക്ഷികൾക്ക് വേണ്ടി കൂടിയാണോ ആ ഫണ്ട് എന്ന് അവർ പരിഹസിച്ചു.
