തിരുവനന്തപുരം: നിയമസഭാ തിരഞ്ഞെടുപ്പ് അടുത്തിരിക്കെ തിരുവനന്തപുരം സെൻട്രലിനെച്ചൊല്ലി കോൺഗ്രസിനുള്ളിൽ സീറ്റ് തർക്കം രൂക്ഷമാകുന്നു. മണ്ഡലം തിരിച്ചുപിടിക്കാൻ തനിക്ക് തന്നെ സീറ്റ് വേണമെന്ന ഉറച്ച നിലപാടിലാണ് മുൻ മന്ത്രി വി.എസ്. ശിവകുമാർ. എന്നാൽ, കെ. മുരളീധരനെ ഇവിടെ ഇറക്കാനും ആലോചനയുണ്ട്.(VS Sivakumar comes forward for Thiruvananthapuram in Assembly elections)
അനധികൃത സ്വത്ത് സമ്പാദനക്കേസിൽ വിജിലൻസ് ക്ലീൻ ചിറ്റ് നൽകിയതോടെ കൂടുതൽ ആത്മവിശ്വാസത്തിലാണ് ശിവകുമാർ. കളങ്കമില്ലാതെ ജനങ്ങളെ സമീപിക്കാൻ തനിക്ക് കഴിയുമെന്ന് അദ്ദേഹം നേതൃത്വത്തെ അറിയിച്ചു. മറ്റെവിടെയാണ് താൻ മത്സരിക്കുകയെന്ന് അദ്ദേഹം ചോദ്യമുന്നയിച്ചു.
സീറ്റ് ലഭിച്ചില്ലെങ്കിൽ കോൺഗ്രസ് വിടുമെന്ന പ്രചാരണം അദ്ദേഹം നിഷേധിച്ചു. ഇത് സിപിഎം സൈബർ വിഭാഗത്തിന്റെ പണിയാണെന്നും താൻ ഉറച്ച കോൺഗ്രസുകാരനായി തുടരുമെന്നും അദ്ദേഹം വ്യക്തമാക്കി.
