തിരുവനന്തപുരം: കണ്ണൂർ നിയമസഭാ സീറ്റിൽ കെ. സുധാകരൻ മത്സരിച്ചേക്കുമെന്ന സൂചനകൾക്കിടെ, കോൺഗ്രസിൽ പുതിയ പോർമുഖം തുറന്ന് അടൂർ പ്രകാശ് എംപി. സുധാകരന് ഇളവ് നൽകാൻ തീരുമാനിച്ചെങ്കിൽ അതേ അർഹത തനിക്കുമുണ്ടെന്നാണ് അദ്ദേഹത്തിൻ്റെ നിലപാട്. (Adoor Prakash withdraws Facebook post after indications that K Sudhakaran is being considered)
പാർട്ടി തീരുമാനം അംഗീകരിക്കുന്നുവെന്നും മത്സരരംഗത്തുണ്ടാകില്ലെന്നും വ്യക്തമാക്കി നേരത്തെ പങ്കുവെച്ച ഫേസ്ബുക്ക് കുറിപ്പ് അടൂർ പ്രകാശ് പിൻവലിച്ചു. കോന്നി ജീവിതത്തിന്റെ ഭാഗമാണെന്നും പാർട്ടി പറയുന്നിടത്ത് പ്രവർത്തിക്കുമെന്നുമായിരുന്നു നേരത്തെയുള്ള കുറിപ്പിന്റെ ഉള്ളടക്കം.
സിറ്റിംഗ് എംപിമാർ മത്സരിക്കേണ്ടതില്ലെന്ന പൊതുതീരുമാനത്തിൽ കെ. സുധാകരന് മാത്രമായി ഇളവ് നൽകാനാകുമോയെന്ന് ഹൈക്കമാൻഡ് പരിശോധിക്കുന്നുണ്ട് എന്നാണ് സൂചന.
