വാഷിങ്ടൺ: ഇറാനുമായുള്ള യുദ്ധം അവസാനിപ്പിക്കുന്ന കാര്യത്തിൽ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി കൂടിയാലോചിച്ച ശേഷം മാത്രമേ അന്തിമ തീരുമാനമെടുക്കൂ എന്ന് അമേരിക്കൻ പ്രസിഡന്റ് ഡൊണാൾഡ് ട്രംപ്. പശ്ചിമേഷ്യൻ സംഘർഷത്തിൽ ഇസ്രായേലിന്റെ നിലപാടുകൾക്ക് പരമപ്രധാനമായ സ്ഥാനമാണുള്ളതെന്ന് അഭിമുഖത്തിൽ അദ്ദേഹം വ്യക്തമാക്കി.(Decisions only after discussions with Netanyahu, Trump clarifies stance on Iran war)
ഇറാന്റെ ആക്രമണങ്ങളിൽ നിന്ന് ഇസ്രായേലിനെ സംരക്ഷിക്കുന്നതിൽ താനും നെതന്യാഹുവുമാണ് പ്രധാന പങ്കുവഹിച്ചതെന്ന് ട്രംപ് അവകാശപ്പെട്ടു. ഉചിതമായ സമയത്ത് മാത്രമേ യുദ്ധം അവസാനിപ്പിക്കുന്നത് സംബന്ധിച്ച തീരുമാനമുണ്ടാകൂ. ആയത്തുള്ള അലി ഖമേനിയുടെ മരണത്തിന് പിന്നാലെ ചുമതലയേറ്റ മകൻ മോജ്തബ ഖമേനിക്ക് വാഷിംഗ്ടണിന്റെ അംഗീകാരം ആവശ്യമാണ്. അല്ലാത്തപക്ഷം അധികകാലം അധികാരത്തിൽ തുടരാനാവില്ലെന്ന് ട്രംപ് മുന്നറിയിപ്പ് നൽകി.
ഇറാൻ വീണ്ടും ആണവശക്തിയാകാനോ മിഡിൽ ഈസ്റ്റ് പിടിച്ചെടുക്കാനോ താൻ അനുവദിക്കില്ല. മേഖലയിൽ ദീർഘകാല സമാധാനം ഉറപ്പാക്കുകയാണ് ലക്ഷ്യം. ഫെബ്രുവരി 28-ന് അമേരിക്കയും ഇസ്രായേലും സംയുക്തമായി നടത്തിയ ആക്രമണത്തിൽ ഇറാന്റെ പരമോന്നത നേതാവ് അലി ഖമേനി കൊല്ലപ്പെട്ടതോടെയാണ് മേഖലയിൽ സംഘർഷം അതിരൂക്ഷമായത്.
