മനോഹരവും ആരോഗ്യവുമുള്ള ചർമ്മം ആഗ്രഹിക്കുന്നവർക്ക് പിന്തുടരാവുന്ന ലളിതമായ ശീലങ്ങൾ താഴെ പറയുന്നവയാണ് (Skin Care Tips):
ദിവസവും സൺസ്ക്രീൻ ഉപയോഗിക്കുക: ചർമ്മത്തിന്റെ പ്രായം കുറയ്ക്കാനും ചർമ്മത്തിലെ അർബുദം തടയാനും സൺസ്ക്രീൻ സഹായിക്കുന്നു. പുറത്തിറങ്ങുന്നതിന് മുൻപ് SPF 30 എങ്കിലും ഉള്ള സൺസ്ക്രീൻ പുരട്ടുക.
പുകവലി ഒഴിവാക്കുക: പുകവലി ചർമ്മത്തിന്റെ പ്രായം വേഗത്തിൽ വർദ്ധിപ്പിക്കും. മുറിവുകൾ ഉണങ്ങാൻ താമസമെടുക്കാനും സോറിയാസിസ് പോലുള്ള രോഗങ്ങൾ വഷളാകാനും പുകവലി കാരണമാകുന്നു.
ചർമ്മം സ്വയം പരിശോധിക്കുക: ചർമ്മത്തിലുണ്ടാകുന്ന മാറ്റങ്ങൾ (നിറം മാറുന്ന പാടുകൾ, ചൊറിച്ചിൽ, രക്തസ്രാവം) ശ്രദ്ധിക്കുക. ചർമ്മത്തിലെ അർബുദം തുടക്കത്തിലേ കണ്ടെത്താൻ ഇത് സഹായിക്കും.
സെൽഫ് ടാനറുകൾ ഉപയോഗിക്കുക: വെയിലത്തോ അല്ലാതെയോ ചർമ്മം ടാൻ ചെയ്യുന്നത് ചർമ്മത്തിന് കേടുപാടുകൾ വരുത്തും. ടാൻ ചെയ്ത ലുക്ക് വേണമെന്നുള്ളവർ സുരക്ഷിതമായ സെൽഫ് ടാനർ ഉൽപ്പന്നങ്ങൾ തിരഞ്ഞെടുക്കുക.
ചർമ്മത്തിന് യോജിച്ച ഉൽപ്പന്നങ്ങൾ തിരഞ്ഞെടുക്കുക: നിങ്ങളുടെ ചർമ്മം എണ്ണമയമുള്ളതാണോ, വരണ്ടതാണോ എന്ന് തിരിച്ചറിഞ്ഞ് അതിന് അനുയോജ്യമായ ക്രീമുകളും ലോഷനുകളും മാത്രം ഉപയോഗിക്കുക.
ചർമ്മം അമർത്തി ഉരയ്ക്കരുത്: വിയർക്കുമ്പോഴോ മുഖക്കുരു ഉള്ളപ്പോഴോ ചർമ്മം ശക്തിയായി ഉരയ്ക്കുന്നത് ഗുണത്തേക്കാളേറെ ദോഷം ചെയ്യും. ഇത് ചർമ്മത്തിൽ അസ്വസ്ഥതയുണ്ടാക്കാൻ കാരണമാകും.
മുഖം കൃത്യമായി കഴുകുക: ഉറക്കമുണരുമ്പോഴും ഉറങ്ങാൻ പോകുന്നതിന് മുൻപും വിയർത്തതിന് ശേഷവും മുഖം കഴുകുക. ഉറക്കത്തിൽ ചർമ്മത്തിൽ അടിയുന്ന ബാക്ടീരിയകളെയും പകൽ സമയത്തെ മലിനീകരണത്തെയും നീക്കം ചെയ്യാൻ ഇത് ആവശ്യമാണ്.
മുഖം മൃദുവായി വൃത്തിയാക്കുക: ചൂടുവെള്ളത്തിൽ മുഖം നനച്ച ശേഷം വീര്യം കുറഞ്ഞ ക്ലെൻസർ ഉപയോഗിച്ച് വിരൽത്തുമ്പ് കൊണ്ട് വട്ടത്തിൽ തടവി മുഖം കഴുകുക. ശേഷം മൃദുവായ ടവ്വൽ കൊണ്ട് ഒപ്പി ഉണക്കുക.
മാനസിക സമ്മർദ്ദം കുറയ്ക്കുക: അമിതമായ സ്ട്രെസ് മുഖക്കുരു, എക്സിമ (Eczema), സോറിയാസിസ് തുടങ്ങിയ ചർമ്മരോഗങ്ങൾ വഷളാക്കാൻ കാരണമാകും. അതിനാൽ മാനസികാരോഗ്യം ചർമ്മത്തിനും പ്രധാനമാണ്.
വിദഗ്ദ്ധോപദേശം തേടുക: ചർമ്മത്തിലുണ്ടാകുന്ന പ്രശ്നങ്ങൾക്ക് സ്വയം ചികിത്സ ഒഴിവാക്കി ഒരു ബോർഡ് അംഗീകൃത ചർമ്മരോഗ വിദഗ്ദ്ധനെ (Dermatologist) കണ്ട് കൃത്യമായ ചികിത്സ തേടുക.
