കൊച്ചി: വരാനിരിക്കുന്ന ഫാദേഴ്സ് ഡേ കൂടുതൽ ആനന്ദകരമാക്കാൻ വിനോദസഞ്ചാരികൾക്കായി പ്രത്യേക ഓഫറുകളുമായി വണ്ടർല കൊച്ചി (Wonderla Kochi Father’s Day offer 2026). കുടുംബാംഗങ്ങൾക്കും സുഹൃത്തുക്കൾക്കുമൊപ്പം ഡിജിറ്റൽ സ്ക്രീനുകൾക്ക് പുറത്തുള്ള യഥാർത്ഥ ആവേശവും സന്തോഷവും പങ്കുവെക്കാൻ ‘ബൈ 2 ഗെറ്റ് 2’ (Buy 2 Get 2) എന്ന കിടിലൻ ഓഫറാണ് പാർക്ക് അധികൃതർ അവതരിപ്പിച്ചിരിക്കുന്നത്.
11 മണിക്കൂർ നീളുന്ന പാർക്ക് പ്രവേശനത്തിനായുള്ള ടിക്കറ്റുകൾ നികുതികൾ കൂടാതെ 1,803.40 രൂപ മുതൽ ലഭ്യമാണ്. 2026 ജൂൺ 7 മുതൽ ജൂൺ 21 വരെ ഓൺലൈൻ വഴി ബുക്ക് ചെയ്യുന്നവർക്കാണ് ഈ സുവർണ്ണാവസരം ലഭിക്കുക. ഇങ്ങനെ ബുക്ക് ചെയ്യുന്ന ടിക്കറ്റുകൾ ഉപയോഗിച്ച് 2026 ജൂൺ 20, 21 (ശനി, ഞായർ) തീയതികളിൽ വണ്ടർല സന്ദർശിക്കാവുന്നതാണ്.
റോക്കറ്റ് റൈഡുകൾ, ആവേശമുണർത്തുന്ന ജലവിനോദങ്ങൾ, ഫാമിലി റൈഡുകൾ, തത്സമയ കലാപരിപാടികൾ, വേവ് പൂൾ എന്നിവയിലൂടെ പ്രിയപ്പെട്ടവർക്കൊപ്പം ചെലവഴിക്കുന്ന നിമിഷങ്ങൾ അവിസ്മരണീയമാക്കാൻ വണ്ടർല കൊച്ചി മികച്ചൊരു അവസരമാണ് ഒരുക്കുന്നത്.
ഫാദേഴ്സ് ഡേ ഓഫറിനെക്കുറിച്ച് വണ്ടർല ഹോളിഡേയ്സ് ലിമിറ്റഡ് ചീഫ് ഓപ്പറേറ്റിംഗ് ഓഫീസർ ധീരൻ ചൗധരി സംസാരിച്ചു: “ജീവിതത്തിലെ ഏറ്റവും പ്രധാനപ്പെട്ട വ്യക്തികളുമായി സന്തോഷം പങ്കിടാനുള്ള അവസരമാണ് ഫാദേഴ്സ് ഡേ. ആളുകൾ മൊബൈൽ, കമ്പ്യൂട്ടർ സ്ക്രീനുകളിൽ നിന്ന് മാറി പ്രിയപ്പെട്ടവർക്കൊപ്പം ഗുണനിലവാരമുള്ള സമയം ചെലവഴിക്കണമെന്നാണ് ഞങ്ങൾ ആഗ്രഹിക്കുന്നത്. വിനോദവും ഒരുമയും നിറഞ്ഞ ഒരു മികച്ച ദിവസം സമ്മാനിക്കാൻ ഈ ഓഫറിന് സാധിക്കുമെന്ന് ഞങ്ങൾ പ്രതീക്ഷിക്കുന്നു.”
ഈ പ്രത്യേക ആനുകൂല്യം ഓൺലൈൻ ബുക്കിംഗുകൾക്ക് മാത്രമായിരിക്കും ലഭ്യമാകുക. കൂടുതൽ വിവരങ്ങൾക്കായി താല്പര്യമുള്ളവർക്ക് വണ്ടർലയുടെ ഔദ്യോഗിക വെബ്സൈറ്റ് സന്ദർശിക്കുകയോ 0484-3514001, 7593853107 എന്നീ നമ്പറുകളിൽ ബന്ധപ്പെടുകയോ ചെയ്യാവുന്നതാണ്.
Story Summary:
To celebrate Father’s Day 2026, Wonderla Kochi has announced a special ‘Buy 2 Get 2’ offer available for online bookings from June 7 to 21. Visitors can utilize these tickets on June 20 and 21 to enjoy high-thrill rides, water sports, and live entertainment with family and friends.
