ചെന്നൈ: വൻ പ്രതീക്ഷകളോടെ തിയേറ്ററുകളിലെത്തിയ രജനികാന്ത് ചിത്രം ‘കൂലി’യിൽ തന്റെ കഥാപാത്രത്തിന് പ്രാധാന്യം കുറഞ്ഞുപോയതിനെക്കുറിച്ച് വിശദീകരണവുമായി നടൻ ബാബുരാജ് (Baburaj Coolie Movie Experience). ചിത്രത്തിന്റെ ദൈർഘ്യം കൂടിയപ്പോൾ തന്റെ ഏഴ് സീനുകൾ കട്ട് ചെയ്തുപോയതാണെന്നും എന്നാൽ ലോകേഷ് കനകരാജിനെപ്പോലൊരു സംവിധായകൻ വിളിക്കുമ്പോൾ റോളിന്റെ വലിപ്പമല്ല നോക്കിയതെന്നും അദ്ദേഹം പറഞ്ഞു.
“സിനിമയുടെ ദൈർഘ്യം കൂടിയപ്പോൾ ഏഴ് സീനുകൾ വെട്ടിമാറ്റുകയായിരുന്നു. വലിയ സംവിധായകർ വിളിക്കുമ്പോൾ ചെറിയ റോളാണോ എന്ന് നോക്കാറില്ല. തമിഴിലും തെലുങ്കിലും സിനിമ ഹീറോയെ മാത്രം കേന്ദ്രീകരിച്ചാകും മുന്നോട്ട് പോകുക. അപ്പോൾ സ്വാഭാവികമായും ദൈർഘ്യം കുറയ്ക്കാൻ മറ്റുള്ളവരുടെ സീനുകളാകും ഒഴിവാക്കുക.”
ചിത്രത്തിൽ താൻ മരിക്കുന്നില്ലെന്നാണ് ആദ്യം പറഞ്ഞിരുന്നത്. ഡയലോഗില്ലാതെ വെടിയേറ്റ് വീഴുന്ന സീനിലാണ് ബാബുരാജ് പ്രത്യക്ഷപ്പെട്ടത്. കൂലിക്ക് ഒരു രണ്ടാം ഭാഗം (Sequel) ഉണ്ടാകുമെന്ന് അണിയറപ്രവർത്തകർ ആദ്യം പറഞ്ഞിരുന്നുവെന്നും തന്റേത് വലിയൊരു ക്യാരക്ടറാണെന്നാണ് അവർ വിശേഷിപ്പിച്ചിരുന്നതെന്നും ബാബുരാജ് കൂട്ടിചേർത്തു.
സൗബിൻ ഷാഹിറും ബാബുരാജും ഉൾപ്പെടെയുള്ള മലയാളി താരങ്ങൾ കൂലിയിൽ അണിനിരന്നിരുന്നു. എന്നാൽ ചിത്രത്തിന് ബോക്സ് ഓഫീസിൽ പ്രതീക്ഷിച്ച വിജയം കൈവരിക്കാനായില്ല. ലോകേഷ് സിനിമാറ്റിക് യൂണിവേഴ്സിന് (LCU) പുറത്തുള്ള ഒരു സ്വതന്ത്ര ചിത്രമായാണ് ‘കൂലി’ ഒരുക്കിയത്.
Story Summary: Actor Baburaj revealed that seven of his scenes were cut from Rajinikanth’s ‘Coolie,’ directed by Lokesh Kanagaraj, due to the film’s length. He mentioned that he accepted the role because of the director’s stature and clarified that he doesn’t die in the original climax plan. He also hinted at a possible second part for the movie.
