അഗ്നിപർവ്വതങ്ങൾ.. തിളയ്ക്കുന്ന ലാവയും ഉള്ളിലൊതുക്കി ഒരു പൊട്ടിത്തെറിയിലൂടെ എല്ലാം അവസാനിപ്പിക്കുന്ന പ്രകൃതിയുടെ സുന്ദരിമാർ ! (1815 eruption of Mount Tambora)
അഗ്നിപർവ്വത സ്ഫോടനങ്ങൾ സർവ്വനാശം വിതയ്ക്കാൻ കെൽപ്പുള്ളതാണെങ്കിലും, ചില നന്മകളും അതുവഴി ഉണ്ടാകാറുണ്ട്. അതിനുദാഹരണമാണ് 'ആൻഡിസോൾസ്'. സ്‌ഫോടനത്തിന് ശേഷമുണ്ടാകുന്ന കറുത്ത മണ്ണാണിത്. ഇത് വളരെയധികം ഫലഫൂയിഷ്ടമാണ്.
എന്നാൽ, ചരിത്രത്തെ വിറപ്പിച്ച ഒരു അഗ്നിപർവ്വത സ്ഫോടനത്തെക്കുറിച്ച് അറിഞ്ഞാലോ ?
ഇന്തോനേഷ്യയിലെ സുംബവ ദ്വീപിലെ ഒരു അഗ്നിപർവ്വതമാണ് മൗണ്ട് തംബോറ. അന്ന് ഡച്ച് ഈസ്റ്റ് ഇൻഡീസിൻ്റെ ഭാഗമായിരുന്ന ഈ അഗ്നിപർവ്വതം 1815ൽ പൊട്ടിത്തെറിച്ചു. ഉള്ളിലെ സർവ്വ വെമ്പലുകളും പുറത്തേക്ക് തെറിപ്പിച്ച ആ സ്ഫോടനം മനുഷ്യചരിത്രത്തിലെ ഏറ്റവും ശക്തമായ അഗ്നിപർവ്വത സ്ഫോടനമായിരുന്നു. ഈ അഗ്നിപർവ്വത സ്‌ഫോടനത്തിലൂടെ 7 സ്‌ഫോടനങ്ങൾക്ക് തുല്യമായ 37-45 km3 ഇടതൂർന്ന പാറ വസ്തുക്കൾ അന്തരീക്ഷത്തിലേക്ക് പുറന്തള്ളപ്പെട്ടു.
1815 ഏപ്രിൽ 10-ന് തംബോറ പർവത സ്ഫോടനം അക്രമാസക്തമായ പാരമ്യത്തിൽ എത്തി. എന്നാലും അടുത്ത ആറ് മാസം മുതൽ മൂന്ന് വർഷം വരെ ചെറിയ ചെറിയ സ്ഫോടനങ്ങൾ ഉണ്ടായി. പൊട്ടിത്തെറിയുടെ ആഘാതത്തിൽ 1816-ൽ വേനൽക്കാലം ഇല്ലാത്ത വർഷമായി. കാലാവസ്ഥയിലുണ്ടായ ഈ മാറ്റം ലോകമെമ്പാടുമുള്ള പല പ്രദേശങ്ങളിലും വിളവെടുപ്പ് പരാജയത്തിന് കാരണമായി.
ഇതിൻ്റെ ഫലമായി ഈ ദ്വീപിലെ എല്ലാ സസ്യജാലങ്ങളും നശിച്ചു. ആഗസ്റ്റ് 23 വരെ പുക പുറന്തള്ളപ്പെട്ടെങ്കിലും, ജൂലൈ 15 ന് സ്ഫോടനങ്ങൾ അവസാനിച്ചു. 1819 ഓഗസ്റ്റിൽ ഒരു ചെറിയ സ്ഫോടനം ഉണ്ടായി. ഇത് 1815 ലെ സ്ഫോടനത്തിൻ്റെ ഭാഗമായി കണക്കാക്കപ്പെട്ടു.
മൗണ്ട് തംബോറയുടെ സ്ഫോടനം അഗ്നിപർവത ശൈത്യത്തിന് വഴിവച്ചു. 1816-ലെ വടക്കൻ അർദ്ധഗോളത്തിലെ വേനൽക്കാലത്ത് ആഗോള താപനില 0.53 °C (0.95 °F) ആയി. ഈ തണുപ്പിക്കൽ നേരിട്ടോ അല്ലാതെയോ 90,000 മരണങ്ങൾക്ക് കാരണമായി. തംബോറ പർവത സ്‌ഫോടനമാണ് ഈ കാലാവസ്ഥാ വ്യതിയാനത്തിൻ്റെ ഏറ്റവും വലിയ കാരണം.
1815-ൽ ഉണ്ടായ തംബോറ സ്ഫോടനം VEI-7 സ്‌ഫോടനമായി കണക്കാക്കുന്നു. ചരിത്രത്തിലെ ഏറ്റവും ഭീകരമായ അഗ്നിപർവ്വത സ്ഫോടനം തന്നെയായിരുന്നു ഇത്.