ബീഹാർ : ഗോപാൽഗഞ്ചിലെ താവെയിൽ സ്ഥിതി ചെയ്യുന്ന ടീച്ചർ ട്രെയിനിംഗ് കോളേജിലെ (ഡയറ്റ്) വനിതാ ഹോസ്റ്റലിൽ 18 വയസുകാരിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി (Girl's dead body found in hostel). ഡയറ്റ് മെസ്സിൽ പാചകക്കാരിയായാണ് പെൺകുട്ടി ജോലി ചെയ്തിരുന്നത്. ഉച്ചഗാവ് പോലീസ് സ്റ്റേഷനിലെ വൃന്ദാവൻ മൗജെ ഗ്രാമത്തിൽ താമസിക്കുന്ന അമർജീത് റാമിൻ്റെ മകൾ 18 വയസ്സുള്ള രാധിക കുമാരിയാണ് മരിച്ചത്. ഫാനിൽ തൂങ്ങിമരിച്ച നിലയിലാണ് പെൺകുട്ടിയെ മരിച്ച നിലയിൽ കണ്ടെത്തിയത്. സംഭവത്തെക്കുറിച്ച് വിവരം ലഭിച്ചതിനെ തുടർന്ന് പോലീസ് സംഘം സ്ഥലത്തെത്തി മൃതദേഹം ഏറ്റുവാങ്ങി അന്വേഷണം ആരംഭിച്ചു.
ഡയറ്റ് സെൻ്ററിലെ മെസ്സിൽ പാചകക്കാരിയായാണ് രാധിക ജോലി ചെയ്തിരുന്നത്. 13 ജീവനക്കാരാണ് ഇവിടെ ജോലി ചെയ്തിരുന്നത്. ഇതിൽ ഒമ്പത് പേർ പുരുഷന്മാരും നാല് പേർ സ്ത്രീകളുമാണ്. ഇവരിൽ ഒരാളായ രാധിക വ്യാഴാഴ്ചയാണ് ജീവനൊടുക്കിയത്. സംഭവത്തിൽ ദുരൂഹതയുണ്ടെന്നാണ് പെൺകുട്ടിയുടെ കുടുംബം ആരോപിക്കുന്നത്. അതേസമയം , സംഭവത്തിൽ അസ്വാഭാവിക മരണത്തിന് കേസെടുത്ത് അന്വേഷണം നടത്തുന്നതായി പോലീസ് അറിയിച്ചു.