കലബുറഗി: കർണാടകയിലെ ആലന്ത താലൂക്കിലെ ബോധന ഗ്രാമത്തിൽ ബുധനാഴ്ച രാത്രി മോഷ്ടാക്കൾ ആറ് വീടുകളിൽ കയറി അഞ്ച് ലക്ഷം രൂപ വിലമതിക്കുന്ന സ്വർണാഭരണങ്ങൾ കവർന്നു.
ബസവരാജ് ബിരാദാർ എന്നയാളുടെ വീട് കുത്തിത്തുറന്ന് ആൽമിറയിൽ സൂക്ഷിച്ചിരുന്ന 4.87 ലക്ഷം രൂപ വിലമതിക്കുന്ന സ്വർണാഭരണങ്ങളാണ് മോഷ്ടാക്കൾ കവർന്നത്. ബസവരാജ് ബിരാദാർ അന്ന് ഒരു ബന്ധുവിനെ കാണാൻ മഹാരാഷ്ട്രയിൽ പോയ സമയത്താണ് മോഷണം നടന്നത്.
മറ്റ് അഞ്ച് വീടുകളിലും കയറിയ മോഷ്ടാക്കൾ വീട്ടുസാധനങ്ങൾ വാരി വലിച്ച് പുറത്തിട്ടു. വീട്ടിലുണ്ടായിരുന്നവർ ജോലിക്കായി ബെംഗളൂരുവിലേക്ക് താമസം മാറ്റിയവരാണ്. നരോണ പോലീസ് ഗ്രാമം സന്ദർശിച്ച് കേസ് രജിസ്റ്റർ ചെയ്യുകയും പ്രതികൾക്കായി തിരച്ചിൽ നടത്തുകയും ചെയ്തു.